«طلبت من الشئون المعنوية تصوير 25 يناير ورفضوا».. خالد يوسف يكشف تفاصيل تصويره ثورة 30 يونيو
الموجز
كشف المخرج خالد يوسف، عن تفاصيل تصويره مشاهد احتشاد المصريين ضد نظام الإخوان بالميادين في ثورة 30 يونيو 2013.
وقال يوسف، في تصريحات له ببرنامج "الحكاية" مع الإعلامي عمرو أديب، المذاع عبر شاشة "إم بي سي مصر" مساء الإثنين، إن "الناس فاكرة أن الجيش جابني عشان أصور في 30 يونيو، وده مش صحيح، أنا اللي طلبت".
وأضاف يوسف: "في 25 يناير كمان أنا اللي طلبت من الشئون المعنوية وقولتلهم أرجوكم طلعوني على طيارة أصور بغض النظر عن موقفكم من هذه الحركة لأن ده تاريخ مصر ولازم أصوره كويس عشان الأجيال الجاية والتاريخ، قالولي إحنا بنصور يا أستاذ خالد ورفضوا".
وتابع المخرج خلال حواره: "في 30 يونيو لما طلبت قالولي اتفضل، الناس فاهمة إني كُلّفت، أنا مش عسكري عشان أُكلّف، فأنا اللي طلبت في 30 يونيو، وأنا اللي روحت صورت، قولتلهم أرجوكم نصور بكاميراتنا وهجيب أحسن مصورين وأحسن كاميرات، قالولي اتفضل صوّر، ولما كنت فوق مكنتش مصدق خالص".