شيكابالا يرد على سؤال عمرو أديب: هل عندك استعداد لفتح صفحة جديدة مع جمهور الأهلي؟

الموجز  

رد نجم وقائد الفريق الأول لكرة القدم بنادي الزمالك على سؤال الإعلامي عمرو أديب: "هل عندك استعداد لفتح صفحة جديدة مع جمهور الأهلي؟".

وقال شيكابالا، في تصريحاته ببرنامج "الحكاية" المذاع عبر شاشة "إم بي سي مصر"،: "الصفحة الجديدة مع جماهير النادي الأهلي دي مش من عندي، لو المسؤولين عن الكرة مرة واحدة على الأقل قالولي إيه مشكلتك كنت حلتها".

وأضاف شيكا: "أنتوا بتشوفوا التجاوزات ضدي من 20 سنة ومحصلش حاجة، أنا بس اللي بتوقف، ناس تروح المقابر أنا اللي اتوقف، وناس تشيل كلب أسود، فأنا اللي اتوقف، بيقولوا يعني إن شيكا ميت".

وتابع قائد الزمالك: "الناس اللي ماتت في حادث بورسعيد كنت أول واحد يروح النادي الأهلي، وكنا بنلاعب الإسماعيلي ومكناش نعرف أن فيه وفيات، وقلت مش هنلعب الماتش وأصريت على عدم اللعب، أنا عملت وقدمت كتير الفترة الأخيرة، كل المدربين الأجانب للنادي الأهلي بيتكلموا عني كويس، المشكلة مش عندي خالص، المفروض يمنعوا من يعمل التجاوزات هاتولي حقي مرة واحدة ومش هتكلم نهائي".

وأكد شيكابالا أنه ليس لديه مشكلة مع جمهور الأهلي ولا كيان الأهلي، قائلاً: "عندهم ناس بتروج لفكرة مش موجودة، كل الأهلاوية صحابي، أفشة صاحبي، حسام عاشور صاحبي جدا، وحسام غالي صاحبي جدا، وعماد متعب صاحبي جدا، فيه ناس بحب اتفرج عليهم من الأهلي، زي بركات وأبوتريكة، أحنا بتوع كورة مش خناق، بس مبتفرجش على مباريات الأهلي خالص".

تعليقات القراء