«ناس بتروح المقابر وناس بتشيل كلب أسود».. شيكابالا يعلّق على أزمته مع جماهير الأهلي

الموجز   

صرح محمود عبدالرازق "شيكابالا"، لاعب وقائد الفريق الأول لكرة القدم بنادي الزمالك، بأن الأزمة بينه وبين جماهير الأهلي، ليست نابعة منه، بل المشكلة من جماهير النادي الأحمر، وكذلك الشخصيات التي تُدير الكرة في مصر.

وقال شيكابالا، خلال لقاءه ببرنامج "الحكاية" الذي يقدمه الإعلامي عمرو أديب والمذاع عبر شاشة "إم بي سي مصر" مساء السبت: "أنا حصل ضدي تجاوزات محصلتش في لاعب كوره قبل كده، يعني ناس بتروح المقابر، وناس تشيل كلب أسود، مفيش تجاوزات من دي شوفناها بره مصر".

وأضاف "شيكا" أنه "حال معاقبة الأشخاص الذين قاموا ضدي بهذه الأفعال منذ 20 عامًا لم نكن لنصل لهذه المرحلة"، مضيفاً: "كل أسلوبي ده رد فعل".

وتابع قائد الزمالك: "الدوريات اللي بره مصر لو حصل تجاوز من الجمهور، الناس تروح تعتذر لللاعب وتجيب له حقه، مش تروح توقفه، جماهير الأهلي هي اللي أخطأت في حقي، وأنا سهل الاستفزاز".

وأكمل: "بتضايق جدًا لما أكون على حق، التجاوزات اللي بتحصل مش عادية، كل ماتش بروحه بيحصل نفس الحاجة، بتوقفني أنا ليه طيب؟، طب أنا عملت كده؟، أنا بتوقف من 20 سنة والناحية التانية مفيش حاجة خالص ضدهم، فيه تجاوزات عنصرية ضدي أنا وأسرتي وابني ومراتي، محدش بيجيب الفعل، كله بيشوف رد الفعل، رد فعلي كان زيادة عشان اللي بيحصل معايا زيادة".