«مش توصيل صرف وغاز».. عمرو أديب: «اللي ما يعرف العلاقة بين حياة كريمة وإثيوبيا يبقى ما بيعرفش يجمع ويطرح»

الموجز
توك شو
2021-07-17 01:42

الموجز

كشف الإعلامي عمرو أديب؛ عن أن هناك علاقة بين مشروع حياة كريمة لتنمية الريف المصري وقضية سد النهضة الإثيوبي، لافتا أن تقوية المجتمع بالداخل سوف يجعل الدولة قادرة على مواجهة التحديات بالخارج.

وقال أديب خلال برنامج "الحكاية" المذاع على فناة "إم بي سي مصر": "اللي ميعرفش العلاقة بين حياة كريمة وموضوع إثيوبيا يبقي مبيعرفش يجمع ويطرح لو المجتمع اللي جوة مش جيد ومتنظم ومتوضب والناس راضية وسعيدة وحياتها جيدة عمرك متعرف تقف قدام خطر خارجي".

وأضاف: "الاثنين ليهم علاقة ببعض ويمشوا جنب بعض؛ انت محتاج تعمل دة وتعمل دة وتقدر تشغل أكتر من ملف متوازي في وقت واحد".

وتابع: "إن شاء الله الحياة تبقي كريمة وإن شاء الله موضوع سد النهضة يخلص بالحسنى وناخد حقنا وندي الناس حقها مصر دولة عظيمة".

واختتم: "لو شفنا رئيس الوزراء أمس وهو بيعرض بلغة الأرقام تعرف قيمة اللي بيحصل فعلا، وكلنا نفسنا الأمور تخلص بشكل هادي وجميل ونبقى زي كل الدول الل عملت اتفاقيات؛ الناس ليها مشاعر والإدارة ليها حسابات والرئيس قال أنا بحسب بميزان الدهب لأن كلمة بتطلق بتؤثر في أكتر من مكان؛ الشعوب لها اتجاهات والإدارة لها حسابات مصر مش دولة معتدية ولا دولة حرب".

تعليقات القراء