"اتهان قدام بنته كذا مرة".. مصورة فيديو الكمسري بالقطار تروي تفاصيل مؤسفة

الموجز

كشفت هناء زكي، بطلة فيديو اعتداء كمسري قطار على مواطن وابنته، تفاصيل جديدة عن الواقعة، قائلة: "قمت بالتصوير بعد سماعي لضجة كبيرة وصريخ لطفلة، هرعت إليها افتكرت في الأول أن الطفلة مخطوفة أو واقعة".

وأضافت "زكي" خلال مداخلة هاتفية ببرنامج "كلمة أخيرة"، المذاع عبر فضائية "on " : فوجئت بأن الناس بتقول إن مساعد الكمسري، ضرب الرجل بالقلم، عشان زود محطة زيادة عن ثمن التذكرة، وحدثت الواقعة في قرية "الحامول".. الكمسري كان بيقول للراجل طلع 21 جنيه فرق التذكرة، فقال له والله العظيم ما معايا فلوس".

وأشارت  إلى أن بعض الركاب عرضوا دفع الأموال الغرامة المطلوبة من مواطن في القطار، لكن الكمسري رفض هذا الأمر، معقبة: الراجل قال للكمسري هدفع الفرق في المحطة لما أوصل البلد، فرد عليه الكمسري بالقول: والله ما أنت نازل ولازم أسلمك للشرطة، وعندما بادرت بعرض دفع الفرق وقلت له حرام عشان بنته اللي بتعيط، وقطعت قلوب كل الركاب، فرد قائلًا: "لا مش هاخد غير منه، هو ولو ما جبش هوديه الشرطة.

وتابعت : صوتي راح من الصراخ، لأن الكمسري استفزني لرفضه أخذ الفلوس، وبيقول لا لازم اسلمه، ولازم يتحقق معاه عشان نعرف هو تبع مين أصلًا، ليه بيعمل كده ولصالح مين"، مؤكدة أن تطبيق القانون في تحصيل الثمن الخاص بالتذكرة لابد أن يكون بروح القانون.

وقالت سيدة قطار منوف: هل فيه نص في القانون بيقول لازم تبقى الفلوس من جيبه؟ ما أنا عرضت وهو اللي كان عايز يواصل في المشكلة.