الطالب المتهم بتسريب امتحان العربي على الإنترنت : أنا مظلوم..والساعة بدون كاميرا
الموجز
كشف عبد الرحمن وحيد، الطالب المتهم بتسريب امتحان اللغة العربية بالثانوية العامة، حقائق تعمده تسريب الامتحان.
وقال "وحيد" خلال مداخلة هاتفية ببرنامج "٩٠ دقيقة" المذاع عبر فضائية "المحور" إنه متهم ظلما، و لا يعرف سبب اتهامه بالتسريب، معلقا: كنت لابس ساعة اللى بتعرف نبضات القلب، وخدوا منى التابلت والساعة، وهي إصدار قديم ومن غير كاميرا ومن غير داتا.
وتابع : مكنش معايا تليفون، لأنه ممنوع التليفونات، ومعنديش فيس بوك على التابلت لأنه مقفول فيه كل حاجة، وكنت فاتح كتاب العربى بي دي إف، ورئيس اللجنة قال لي الامتحان اتسرب والكود بتاعك ظهر في الورقة المسربة.
وأضاف "وحيد" : معرفش أنا حليت إزاي لأني اتوترت، لافتا إلى أن اللجنة لم يكن به كاميرا، وأنهم اتهموه بفتح إنترنت على التابلت باستخدام الساعة، معقبا: اللى سرب الامتحان غير الرقم بالفوتوشوب، أو الرقم اتنقل غلط وجه الكود بتاعك، مستطردا : المراقب قال لى انت متهم بتسريب الامتحان بتصويرها بالساعة أو تسريبها بالإنترنت، وتم تحريز الساعة، وهيحللوا الساعة.
وأشار إلى أنه بعدما عاد للمنزل، شاهد منشورا على صفحه وزير التربية والتعليم يؤكد أنه محروم من الامتحان لمدة عامين، بعد ضبطه بهاتف محمول، رغم أن المحضر محرر بساعة عادية بدون كاميرا.