لميس الحديدي عن وقوع السيستم: بتحصل في لندن وسويسرا..ومش عيب يوقع عندنا في الامتحانات

الموجز

قالت الإعلامية لميس الحديدي، إن 90% من طلاب الصف الاول الثانوي أدوا امتحانات اليوم الاول، موضحة: "كان في مشكلة، لكن ده مش معناه إن السيستم كله وقع، كل الهدف من الكلام ده إن محدش يمتحن، لكن هنكمل الامتحانات والسيستم هيتظبط بالتعاون بين وزارتي التعليم والاتصالات".

وأضافت "الحديدي" خلال تقديم  برنامجها "كلمة أخيرة" المذاع عبر فضائية "on": لا نقول إن أي مشكلة لم تحدث في لجان الامتحانات، حدثت بعض المشكلات، لكن يجب وضع الأمور في نصابها.مينفعش نقول إن سيستم الامتحانات كله وقع، على فكرة هنكمل الامتحانات، وكل ده ضغط على الولاد متمتحنش.

وأختتمت "الحديدي" حديثها قائلة: الامتحانات هتكمل برضه ومشكلة سقوط السيستم ممكن تحصل تاني عادي، وبتحصل في دول كثيرة..أنا أعرف ناس كثير في لندن وسويسرا والولايات المتحدة حصلت عندهم نفس المشاكل وإبني زمايله حصلهم هناك كده بتحصل عادي، الأهم أشوف العيب فين وأصلحه".

تعليقات القراء