عمرو أديب: الدولة بعد ثورتين بجد لسه واقفة.. ربنا يديم علينا نعمة الدولة
الموجز
أكد الإعلامى عمرو أديب، أن مصر بلد قوية للغاية برغم ما تعرضت له فى السنوات الماضية، قائلا: مصر دي بلد جامدة جدا.. النظام اتغير فيها مرتين فى 10 سنين.. والجيش واحد والشعب واحد.. رغم إن حوالينا أشباه دول بسبب الربيع العربى.. دول كان عندها ثروات كبيرة وبقت على الأرض وكان عندها جيوش من أكبر جيوش العالم العربي، بقت على الأرض>
وأضاف "أديب"خلال تقديم برنامج "الحكاية"المذاع عبر فضائية "MBC مصر": لو ماكنش مبارك اتنحى كانت البلد هتكون عاملة إزاى؟، معقبا: مصر كان ممكن تدخل فى حرب أهلية فى يونيو 2013.. كان قدامك مليشيات.. ولكن البلد دي فيها ثوابت هي اللى تقدر تخليها تكمل على رجليها.. وأظن إننا شفنا دروس مثبتة بصرف النظر عن ملاحظات الناس عن أى شئ..
وتابع: البلد دي بعد 10 سنين والحوادث اللى حصلت لسه واقفة وماشية وماوقفتش.. 10 سنين مصر كل اللى حصلها خدوش بسيطة ومكملة لغاية دلوقتى.. مصر تنين كبير.. في أمريكا اللاتينية هزة واحدة بتحصل للبلد بتبقى على ركبها.. لكن انت ولا اتهزيت وواقف على رجلك بعد ثورتين.
وعن جهاز الشرطة، قال "أديب" إن هذه الجهاز تلقى ضربة كبيرة للغاية فى يناير 2011، ورغم ذلك أصبح اليوم جهازا مختلفا تماما عما سبق، قائلا: "الشرطة خدت الضربة الكبيرة.. ولكن انت بتشوف الشرطة حاليا شرطة أخرى ومظهرها مختلف ومعتمدة على الكيف وليس الكم.. بقى فيها أحدث وسائل التكنولوجيا والنهاردة بتتكلم عن شرطة بعد 10 سنين مختلفة.
وأشار إلى أهمية دخول الخدمات الإلكترونية فى جهاز الشرطة المصرية، قائلا: "الإخوان كانوا عايزين يفككوا الشرطة تماما بعد تلقيها الضربة فى يناير.. ولكن اليوم الشرطة بشكل مختلف تماما فى التعامل مع الناس والاعتماد على التكنولوجيا الحديثة فى التعامل مع الجريمة".