«بزعامة أيمن نور والطقم القديم».. عمرو أديب: الإخوان بكرة هيعلنوا عن كيان ثوري جديد في اسطنبول.. والهاربين في تركيا يتبادلون الاتهامات بالخيانة والفساد
الموجز
علّق الإعلامي عمرو أديب على قرب ذكرى ثورة 25 يناير، وذلك خلال تقديم برنامجه "الحكاية" المذاع على فضائية "إم بي سي مصر" اليوم السبت.
وقال أديب: "النهاردة 23 يناير قعدت أفكر كدة وقولت فين؟ أنا اليوم ده دايما عندي فيه طوارئ، 23 يناير بيقى فيه الشغل، ويالميدان، ويلا، والذكرى، بس لغاية الساعة 10 يوم 23 مفيش حاجة، وبحثت ودورت لقيت فيه، مش هيعدي 24 و25 يناير خالص".
وأضاف الإعلامي: "هتسألني هو فيه إيه؟ أقولك أنا قولت لحضراتكم إن في عام 2021 كل حاجة بتتغير، هذا عام التغيير، 2021 مش زي 2020، والاشياء لن تستمر زي ما هي، والناس اللي قاعدة برا مصر وبتراقب مصر ابتدوا يغيروا شوية، لأن إقليميا ودوليا الدنيا بتتغير، قالوا هو احنا يا ولاد هنقعد في اسطنبول زي خيبتها؟".
وتابع أديب: "عرفت أن الناس دي قرروا يرموا الشغل القديم ويعملوا شغل جديد، بكرة فيه كيان ثوري جديد، ما هو كل ما الدنيا تبوظ يرموا الكيان الثوري القديم ويعملوا كيان ثوري جديد، بقيادة نفس الناس، مكوّن من الثوار الليبراليين السياسيين والإخوان، مش بكلمكم على حاجة سرية، أنا بتكلم على معلومات".
وأضاف أديب: "طبعاً الأساس في الحكاية هو إن ايمن نور يبقى رئيس الكيان.. هو من حقه على فكرة عشان هو اللي بيوضب القعدة".
وتابع: "المعارضة اللي موجودة هناك دي جواها انشقاقات، يعني بكرة ده اجتماع المنشقين، هم طرفين اللي هم ابراهيم منير وده انشقاق عن الاخوان وفيه اخوان مش راضيين عنه، وطرف ايمن نور وفيه ناس كتير مش راضية عنه".
وعرض الإعلامي مجموعة من التغريدات لمقربين من أيمن نور، منهم عمرو عبدالهادي وسمية الجنايني، معقباً بالقول: "الناس اللي شغالين معاه هناك بيقولوا عليه خاين وبايعهم".
عمرو أديب: الجماعة بتوع إسطنبول منشقين عن انشقاقهم.. منشقين مش عاجبهم إبراهيم منير ومنشقين مش عاجبهم أيمن نور شوفوا التويتات دي#الحكاية#MBCMASR
أصل الحكاية كل يوم هتعرفها مع عمرو أديب ومتخليش يفوتك حاجة من هنا :https://t.co/a0tWspbjZ8 pic.twitter.com/r9AXyLqJWn— الحكاية (@Elhekayashow) January 23, 2021
عمرو أديب: الناس اللي شغالين مع أيمن نور هناك بيقولوا عليه خاين وبايعهم (اقرأ التويتات)#الحكاية#MBCMASR
أصل الحكاية كل يوم هتعرفها مع عمرو أديب ومتخليش يفوتك حاجة من هنا :https://t.co/LW2Z60KOX6 pic.twitter.com/kXMNxipaST— الحكاية (@Elhekayashow) January 23, 2021
عمرو أديب يقرأ تويتات تخوين الإخوان والهاربين بتركيا وهجومهم على بعضهم البعض (اعرف التفاصيل)#الحكاية#MBCMASR
أصل الحكاية كل يوم هتعرفها مع عمرو أديب ومتخليش يفوتك حاجة من هنا :https://t.co/6OIZwUR3gn pic.twitter.com/kQRaGdyw7a— الحكاية (@Elhekayashow) January 23, 2021