لميس الحديدي عن واقعة هروب أسد من فيلا: الأسد المرة دي مش في الغابة ولا جنينة الحيوانات..في الجونة

الموجز

علقت الإعلامية لميس الحديدي على واقعة هروب شبل الأسد من فيلا سكنية بمنتجع الجونة، شمال الغردقة، من صاحبته، التى كتبت على جروبات المنتجع المختلفة للبحث عنه، وبمشاركة أمن المنتجع والسكان أعادوا الأسد إلى صاحبته.

وقالت "الحديدي"خلال تقديم برنامجها " كلمة أخيرة " المذاع عبر فضائية " ON": الأسد المرة دي مش في الغابة ولا جنينة الحيوانات.. المرة دي في الجونة ورحلة البحث عن الأسد كانت طويلة والأمن خرج وكل الناس كانت بتدور عليه لحد مالاقوه  والصراحة الموضوع يبدو مضحكا بس هو مش مضحك أوي لانه طبقا للقانون لا يملك إقتناء أسد.

وأضافت : أنا مش بتكلم هنا عن مراعاة حريات الناس أو حرية صاحبة الاسد التي قررت اقتنائه ده يخصها لوحدها سواء كانت عايزة الأسد ياكل دراعها او عيالها أو دراع جوزها او يلتهم دماغ أي حد لكن الفكرة إنها عايشة داخل مجتمع وداخل الجونة.

وأختتمت "الحديدي" حديثها قائلة: الجونة تخضع للقوانين المصرية وإوعي تفتكري أنها خارج سياق القانون أو القوانين المصرية هذا جزء من الدولة المصرية التي يطبق عليها القانون المصري والذي ينص عبر قانون البيئة رقم 4 لسنة 1994 وتعديلاته لسنة 2009 وتحظر المادة نفسها حيازة الطيور والحيوانات البرية أو نقلها أو التجول بها حية أو ميتة وده مكانه الغابة او حديقه الحيوانات لان حريتك تبدأ عندما تنتهي حرية الآخرين.

تعليقات القراء