عمرو أديب عن إيقاف مرتضى منصور: نادي الزمالك مش ملك حد.. ده ملك المصريين والمشجعين الزملكاوية
الموجز
علق الإعلامي عمرو أديب على قرار وزارة الشباب والرياضة، بتجميد مجلس إدارة نادي الزمالك.
وقال "أديب" خلال تقديم برنامج "الحكاية" المذاع عبر فضائية "MBC مصر": خروج مرتضى منصور من نادي الزمالك ونقلب الصفحة، ونشيل صوره واليفط بتاعته.
وأضاف: عمري ما بدخل معركة مع حد مش في كامل قوته، ويوم مدخلت مع مرتضى منصور معركة كان في كامل جبروته ومش هاجي وهو ضعيف واخلص عليه، أنا مش من الناس اللي بيشمتوا ولكن فيه ناس كتير اتبهدلت بسببه.
وتابع: اللي يهمني أنا فيه مؤسسة في مصر مش ملك مرتضى منصور وعياله، ولكنها مؤسسة عامة وتربوية ورياضة واجتماعية، وفيها استثمارات بالمليارات، ولازم نحافظ عليها ولا نسمح بانهيارها.
وأختتم "أديب" حديثه قائلا: من هنا أحيي وزير الشباب والرياضة لأنه تعامل بكثير من الصبر مع مسألة مخالفات مجلس الزمالك، ولكن كان هناك مصلحة القلعة البيضاء، مرتضى منصور جاء قبله رؤساء وسيأتي بعده رؤوساء ومحدش هيخلد في الكرسي.