اشاعة مرض عبلة كامل .. لميس الحديدي: أنا متمسكة بتصريحات أسرتها

الموجز

علقت الإعلامية لميس الحديدي خلال عبر برنامجها "كلمة أخيرة" المذاع على شاشة " ON" الفضائية ، على الشائعات التي طالت الفنانة الكبيرة "عبلة كامل" خلال الساعات الأخيرة بأنها تصارع مرض السرطان، قائلة "بقالها فترة طويلة مختفية عننا ووحشانا جدًا وفجأة ظهرت شائعات كثيرة عن مرضها، لكن أسرتها الحمد لله نفت هذه الأنباء، وقالت إنها بخير .. والسؤال هنا في القصة دي ليه ؟ ليه الشائعات المؤذية ؟

وأضافت «الحديدي»، قائلة "ليه بنحب نؤذي  الناس ونجرحها ربنا يديها الصحة يارب  .. ولو فرضنا أنها كانت لاقدر الله مريضة .. لماذا قررنا أن نكون بهذه القسوة على نجوم أحبنناهم  وامتعونا كثيرًا  ؟ ..أحيانا بحس  بوجود مشاعر متناقضة بين النجوم والجمهور بين الحب والكره.. بيحبوهم صحيح  ولما بيشوفهم  بيحبوا يسلموا عليهم ويتصوروا معاهم  لكن لو ظهر خبر بينتشر بشكل غريب وسريع   ويتسابق الناس في نشره " .

وأكملت  "إرحموا الناس حتى لو كان الخبر صحيحًا  وحقيقيًا  وأنا متمسكة  بتصريحات اسرتها  أنها بخير لكني أفترض  أنه لو كان حقيقيًا  فلماذا لانرحم الناس ؟.. هناك اسئلة كثيرة عن النفوس  مش ببقى قادرة أجاوب عليها ولا أفهمها ؟

عبلة كامل ترد على الشائعة

وردت الفنانة عبلة كامل في رسالة وجهتها للجميع جاء فيها: "عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟ وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا باتابع السوشيال ميديا ولا بانشر عليها أي شيء من أي نوع ولا مهتمة بده"

وتابعت: "أتمنى اللي يشوف حساب منسوب ليا يساهم في قفله باللي يقدر عليه والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب، وكل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني وبشغلي كله كذب وافترا، والحمد لله أنا في أحسن صحة وعافية".

واختتمت قائلة: "باشكر الناس الطيبين كلهم على محبتهم وتقديرهم اللي أنا ممتنة ليها وباحمد ربنا عليها، وربنا يتقبل دعواتكم الجميلة ليا ويخلي لكم حبايبكم".

تعليقات القراء