’’في ناس بتحزق جامد‘‘.. عمرو أديب يسخر من فشل دعوات الإخوان للتظاهر

كتب: ضياء السقا

علق الإعلامى عمرو أديب، على فشل دعوات الإخوان للتظاهر، وقال ساخرا إن الحقيقة اليوم واضحة وضوح الشمس أنه لم ينزل أحد حتى الآن.

وأضاف أديب خلال تقديمه برنامج "الحكاية"، على فضائية "MBC مصر": "الشارع أهدا من الهدوء النهاردة، وأنا اتضايقت لما لقيت محطات الإخوان بتشتم الشعب المصرى وبيتجنوا عليها، لغاية امبارح بالليل كان الشعب المصرى جميل وفاجأة يزعقوا "انت ليه منزلتش".

وأكد: "زي ما حضراتكو لاحظتو فيه ناس بتحزق جامد، لغاية دلوقتى لم ينزل أحد بالرغم من المناشدات، حقيقة الأمر هم واحنا عارفين اللى كانوا عاوزينه النهاردة لم يحدث، هم ابتدوا يقولوا في قنواتهم ليه الناس منزلتش".

وتابع أديب: "مصر مفيهاش سر لو الناس نزلت هنقول نزلوا"، مؤكدا أن ما تقوم به الإدارة للشعب لا علاقة له بالصراع على الشارع والسلطة"، مستطردا:"الطبيعى أن نقدم للشعب أفضل شيء بدون خناقة ومعارضة، وهو دا اللى المفروض يكون الاتفاق المجتمعى والعقد الاجتماعى بين الشعب والإدارة التي تحكمه، حقه الشعب حياته تبقى أحسن وأفضل".

تعليقات القراء