مسلم: أنا مش شايف منافس ليا.. وعمرو دياب صوته عادي

الموجز    

علق مطرب المهرجانات مسلم على مقارنته بنجوم الغناء ومطربي المهرجانات.

وفي حواره ببرنامج "أسرار" مع الإعلامية أميرة بدر المذاع عبر فضائية "النهار" مساء الثلاثاء، قال مسلم: “المقارنة بيني وبين عصام صاصا وحودة بندق في غير محلها، كل واحد ناجح في حتته، وأنا مش شايف نفسي مع دول، مش معنى كده أنهم وحشين، أنا صنعت حتة ليا، أنا مش شايف منافس ليا، ولما بغني مع أي حد بحط حتتي، ودي أجمل حاجة بعملها، مش عايز أنافس غير نفسي”.

وأضاف مطرب المهرجانات: "فيه مطربين أعلى من عمرو دياب، وحسين الجسمي أعلى واحد في العالم ليا، وعمرو دياب 40 سنة على القمة عشان تقيل ومختفي دايمًا".

وتابع: "عمرو دياب مش محتاج حد يقلده لأن صوته عادي، ومش قوي صوتيًا لكن تسمعه تحبه، أما أنا الاتنين، لو ربنا كرمني ووقفت قدامه هنشوف الحتة دي، لأن هيبقى رأي الناس، وأنا 23 سنة وعامل كده ما بالك لو 30 سنة هوصل لفين. 

وواصل مسلم: "أغنية يا أصفر كانت من وحي خيالي وكان فيه مشكله ساعتها معايا، وهي سبحان الله نجحت، وغنيتها لواحد كان صديقي جدًا، ودلوقتي حبيبي وبموت فيه، وهو حودة بندق، وهو دلوقتى أخويا، كانت مشكلة واحنا صغيرين وهو طالع من قبلي وهو محترم ومن الناس اللي شقيت ولما اتشهرنا مع بعض أصابتنا عين بعدتنا عن بعض، فا استفزني بالكلام رحت رديت عليه بالشغل، وغنيتهاله، واتحسدنا لأننا نجحنا مع بعض كتير زي أغنية خطر جايبة 140 مليونًا وعاملين ألبوم مكسر مصر."