«أعمال وأسحار ومابيتأثرش».. أمير مرتضى يتحدث عن سر نجاح النادي الأهلي: السيستم في مصر غلط

الموجز  

أكد أمير مرتضى منصور، المشرف السابق على فريق الكرة الأول بنادي الزمالك، أن النادي الأهلي منظومة قوية جدًا وسط منظومة رياضية ضعيفة، وبالتالي قادر على النجاح وحيدا.

وفي حواره ببرنامج "أسرار" مع الإعلامية أميرة بدر المذاع عبر فضائية "النهار" مساء أمس الأحد، قال أمير مرتضى إن الأهلي "أقوى من اتحاد الكرة واقوى من الأندية كلها أقوى من رابطة الأندية ومن وزارة الرياضة، وناجح عشان السيستم غلط، ومش معناه أن لو النظام اتعدل هو هيفشل".

وأضاف: "حصل في مصر كام ثورة مأثرتش على النادي الأهلي، ولا يتأثر بـ كورونا ولا ازمة أوكرانيا ولا عقود رعاية، بحس ان فيه حاجة غلط في المعادلة”.

وتابع المشرف السابق على فريق الكرة بالزمالك: "في حاجة غلط، كورة زيزو اللي جت في العرضة بنهائي القرن، وبعدها أفشة يجيب الجون"، نافيًا أن قيام الأهلي بأعمال السحر.

وأكمل أمير مرتضى: "مبيعملوش أعمال رغم اني مقتنع ان فيه حسد وأعمال، لما بنروح أفريقيا بناخد معانا حاجتنا كلها، عشان مينفعش نلمس حاجة بسبب الأعمال، ويترمي علينا حيوانات ميتة بالدم عشان السحر، والناس كلها عارفة".