بيومي فؤاد: أنا مش عايز الجمهور يسامحني وهو مش مقتنع ومش عاوز أصعب على الناس خالص

الموجز  

عرضت قناة "القاهرة والناس"، مساء الجمعة، الجزء الثاني من حلقة الفنان بيومي فؤاد في برنامج "حبر سري" مع الإعلامية أسما إبراهيم.

وخلال اللقاء، تطرق "بيومي" للحديث عن العديد من الموضوعات منها أزمته الأخيرة في "موسم الرياض"، وعن مشاريعه خلال الفترة الماضية، كما قام بالرد على مهاجميه منهم المخرجة كاملة أبو ذكري، وعلاقته بنجوم الوسط الفني، إلى جانب عودته بمسلسل "الكبير أوي 8" في دراما رمضان هذا العام، كما تحدث عن تصريحاته التي هاجم من خلالها الفنان محمد رمضان.

وعن أزمته الأخيرة قال بيومي: "الحزن بقى مسيطر على حياتي الفترة دي وهرجع مش حزين لما ربنا يجيب لي حقي بإذن الله ولما الجمهور يسامحني أيهما أقرب بس أنا مش عايز الجمهور يسامحني وهو مش مقتنع مش عاوز أصعب على الناس خالص، لازم يبقوا مقتنعين وكل اللي بيحبوا بيومي فؤاد قالولي حط لسانك جوه بوقك بعد الفيديو ده والشعب المصري شعب طيب شعب بيسامح والسوشيال ميديا مش هي الناس، أنا موافق بشرط لما أغلط وابقى معترف بغلط احط لساني جوه بوقى وأصبر واستني لحد ما الناس تنسى، لكن اعتراضي اني مغلطتش في الفيديو".

وأاف الفنان: "و دلوقتي مبقاش الاعتراض على شغلي لأن شغلي ومرواحي للسعودية خدتي لي شوية شتيمة زيي زي غيري، كم الجريمة اللي حصلت والكلام ده كان على الفيديو وده اللي كان مضايقني أن الناس هتنسى وهي زعلانة وأنا مش عاوز الناس تنسي وهي زعلانة، أنا عايز الناس تفهم وبعدين يقرروا فوق دماغي وكل اللي أنا قولته ده عبط فوق دماغي بس أشرح وجهة نظري".