الإفتاء تحدد قيمة زكاة الفطر 2024.. وشروطها وآخر موعد لإخراجها

حددت دار الإفتاء المصرية قيمة زكاة الفطر لهذا العام 1445هـ، بقيمة 35 جنيها كحد أدنى عن كل فرد، مع استحباب الزيادة عن هذا المبلغ لمن أراد.

وأوضحت دار الإفتاء المصرية طريقة حساب قيمة زكاة الفطر بطريقة سهلة وبسيطة في منشور عبر صفحتها الرسمية، على موقع التواصل الاجتماعي «فيسبوك»، وقالت: «حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر، بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا».

وأضافت: «سعر إردب القمح كام السنة دي ٢٠٠٠ جنيه مصري من أحسن الأنواع، وإردب القمح فيه ١٥٠ كيلو، يبقى سعر الكيلو كام ١٣.٣٣ ثلاثة عشر جنيه وثلاثة وثلاثون قرشًا تقريبًا»، موضحة أن «الزكاة في القمح (٢.٠٤ كيلو) وبالضرب ٢.٠٤ كيلو * ١٣.٣٣، يصبح الناتج ٢٧.١٩ جنيه مصري».

وقالت دار الإفتاء إنه ٣٥ جنيها، أي زيادة عن الحد الأدنى، و٣٥ جنيها الحد الأدنى (يعني طلع أكتر من ٣٥ جنيها لو معاك ودخلك يسمح لك).

وأشارت دار الإفتاء المصرية إلى أنه في حالة عدم القدرة (أقل حاجة يطلعها عن الفرد ٣٥ جنيها).

وقالت «طيب أنا شايف إن ٣٥ جنيه قليل مش هتعمل حاجة يبقى تطلع ما ترضاه نفسك وتحس إنه له قيمة لكن لا تقل عن ٣٥ جنيها ولا تلزم غيرك يطلع زيك لأن ممكن يكون غير قادر، كمان تقدر تطلعها فلوس لا تشترى بها شيئا، لأن بعض الناس مفكرة إن ناخد الفلوس نشتري بها أرزا مثلا- لأ طلعها فلوس وربنا يتقبل منك».

كما يجوز إخراجها من أول رمضان حتى قبل صلاة العيد، و«لو ماعرفتش فلا مانع إنك تطلعها يوم العيد لحد غروب الشمس، ودا على مذهب الشافعية ومن وافقهم».