«عشان الرغي وبيجيبوا في سيرة الناس».. على جمعة يجيب على سؤال: ليه أغلب أهل النار من النساء؟

الموجز  

أجاب الدكتور على جمعة، مفتى الديار المصرية السابق، على سؤال من أحد الأطفال: "ليه أغلب أهل النار من النساء زي ما قال سيدنا النبي صلى الله عليه وسلم؟، هل دي فطرة عند النساء إنهم يذنبوا أكثر من الرجال؟".

وخلال تقديم برنامجه "نور الدين"، أجاب "جمعة": "لأ دي مش فطرة، ده صفات تأتي من بالاستهانة بالتعليم، المرأة عبر القرون لم تهتم بالتعليم، فاللي حصل حاجة بنسميها في علم الاجتماع، إمراة ألف ليلة وليلة، اللي هى كنا زمان نقول إمراة الكنبة والشلت، الرغي ويجيبوا في سير الناس وغيبة ونميمة، والحاجات دي كلها في الصورة النمطية للمرأة".

وأضاف مفتي الجمهورية السابق: "بعد كده فاق الناس في القرن التاسع عشر، ابتدأ الناس بتعليم البنات، ومحمد على باشا فتح مدرسة وتعلم فيها 60 بنت، وبدأ من هنا مشوار التعليم اللى غير وجه مصر، ووجه العالم كله، لما اتعلمت راحت هذه الصفات وأغلبها اللى جاية من الجهل والأمية والحبسة، وجاية من الاهتمام بعالم الأشياء دون عالم الأفكار، واليوم البنت وزيرة وسفيرة ومفكرة، وكاتبة، كل ما كانت المرأة تخرج وتتعلم كل ما الصورة النمطية بتاعت ألف ليلة وليلة مش موجودة".