«سر المكالمة الأخيرة» .. محمد سامي يكشف رد محمد رمضان قبل «جعفر العمدة»
الموجز
كشف المخرج محمد سامي ، خلال حواره مع برنامج et بالعربي عن كواليس تحضيره مع الفنان محمد رمضان لمسلسل "جعفر العمدة" .
وقال محمد سامي عن الفنان محمد رمضان : "أشطر ممثل في مصر" .
وعن ما وصفه الجمهور بالكيميا بينه وبين النجم الشهير ، قال المخرج محمد سامي : بيني أنا ومحمد رمضان كيميا واستيعاب أفكار بعض مش كل الممثلين أقدر أطلب منهم نفس الطلبات اللي بطلب من رمضان أنه يعملها في التمثيل لأنه قدراته غير عادية، وأنا معايا ممثل بالشكل دا بكتب وأنا مرتاح ومحمد بيجد معايا الحاجة اللي بيبحث عنها وبيسلم وبيثق في اللي بعمله.
وأضاف سامي : أول حاجة قولتها لمحمد رمضان عن الشخصية أنه "جنتلمان شعبي" كنت ببني شخص مبني على فكرة التناقضات وهو فيه العادات اللي تخلي الناس تتوحد مع الشخصية يقدس العائلة.
المكالمة الأخيرة قبل التصوير
وتابع سامي : اتصلت بمحمد مرة قبل التصوير بأسبوع قولتله لو "جعفر" متقدمش بطريقة يتحب ويدخل القلوب مش هينجح، وهو بيتناقش قبل كل شغل ووعدني أنه هيقدم أقصى ما عنده، هو ممثل مش عادي.
قدراته التمثيلية مش عادية
وأضاف سامي : محمد رمضان أشطر ممثل في مصر ومش عايز حد يبقى زعلان من اللي بقوله لكن الحقيقة محمد قدراته التمثيلية مش عادية في ممثلين كتير وكلهم لا يستهان بهم لكن هبقى دايما منحاز لمحمد رمضان لأن أكبر نجاحاتي معاه ومفيش مرة اعتمدت عليه وخذلني وبقول دايما بدي لمحمد سنتيمتر يرجع متر.
وأكد محمد سامي أن نجاح مسلسل "جعفر العمدة" لم يكن صدفة بل هو نتاج مجهود عدد كبير من العاملين فيه.