«كنت غلطانة وميصحش أعمل كده» .. رضوى الشربيني: ربنا هيرزقني براجل يفهمني ويجبر بخاطري

الموجز

علقت الإعلامية رضوى الشربيني خلال لقائها ببرنامج "أنا والقناع"، عبر قناة "الحياة"، مع الإعلامية منى عبد الوهاب على تريند "الست مش ملزمة"، قائلة: "أنا كزوجة لو مش مفروض عليا شيء أو مش مطلوب مني لازم أعمله بطيب خاطر".

وعن تمنيها أن تخوض تجربة الزواج مرة أخرى، قالت : "باقتناع، يوم ما ربنا سبحانه وتعالى هيرزقني بالراجل اللي يحبني ويقدرني ويفهمني ويطبطب عليا ويجبر بخاطري"، مستطردة: "في حاجة غريبة، الرجالة بيخافوا جدا وبعدين نا بقيت مش عارفة ايه اللي حصل، بقى فيه عاوزة أقرب وأعرف اللي جوا الصندوق".

وواصلت رضوى الشربينى: "لو أنا اتحجبت النهاردة وعاوزة أنزل أدخل نادي، ليه بني آدم زييي زيه يمنعني من دخول نادي عشان أنا راضية ربني"، وردت على سؤال الإعلامية منى عبد الوهاب، هل الحجاب في خطط رضوى الشربيني؟، قائلة: "أه إن شاء الله، يا رب".

تمارا رضوى الشربيني

وأضافت الإعلامية رضوى الشربينى تعليقا على فيديو نشرته على فيس بوك سألت ابنتها وقالت: "تمارا رضوى الشربيني"، كان هزار، موضحة أن تمارا تتمنى أن تصبح شخصية مشهورة.

وقالت الإعلامية رضوى الشربينى : "لقيت الناس بتهاجم واحترمت وجهة نظرهم ولقيت أنا كنت غلطانة وميصحش أعمل كده ووالدهم عايش وعيب إني أعمل كده، وحذفت الفيديو".

وتابعت رضوى الشربينى: "أولادى أنا أمتلك فيهم أكتر من أى حد ليه فيهم، ربنا رزق وكرم وطبطب على القلب الحمد لله، وقف جنب ماما الله يرحمها، وأهلي وأصحابي"، مردفة: "أنا لجأت لربنا وكان رحيم بيا أنا وبناتي، أنا شوفت قدرة ربنا سبحانه وتعالى، وكن فيكون في تحويل حياة واحدة مفلسة بائسة غير ناجحة في حياتها لبنى آدمة تاني خالص، أى حق عند أى حد أنا مش عاوزاه فى الدنيا".