«5 سنين مش عايز يصالحني».. أيمن بهجت قمر يكشف تفاصيل خلافه مع عمرو دياب

الموجز   

كشف الشاعر الغنائي أيمن بهجت قمر، عن تفاصيل خلافه مع المطرب عمرو دياب، وإقحامه في مشكلته مع شركة إنتاج كبيرة بسبب حقوق التنازلات عن الأغاني وحقوق الملكية الفكرية.

وقال قمر، خلال حواره ببرنامج "أنا والقناع"، مع الإعلامية منى عبدالوهاب والمُذاع عبر فضائية "الحياة" مساء اليوم السبت: "كنت مقتنعا وأنا بعمل كده، ولما فكرت ندمت على المواقف ده، وقعد خمس سنين مش عايز يصالحني".

وأضاف الشاعر الغنائي: "أدركت إن كان ممكن أدخل عمرو دياب بس بشكل مختلف دون إقحامه في الموضوع، بس الفترة دي البلد كلها كان عندها مطالب فئوية، وإحنا كنا كده حتى الشعراء والملحنين".

وتابع "قمر": "أنا غلطت، اللي بيني وبين عمرو دياب كبير، كان ممكن الخلاف يكون بينا فقط، لكن إعلاني عن الخلاف عبر السوشيال ميديا كان خطأ مني، وإحنا الاثنين خسرنا خلال فترة القطيعة".

وواصل: "اللى عايز يضايق عمرو دياب ميروحش يشتغل مع تامر حسني، لا إللى عايز يضايقه يغلط فيه، يهاجمه بطريقة مش حلوة على السوشيال ميديا، بس عمرو دياب في فرح محمد إمام، لو شوفتيه كان قاعد يدلعني دلع، وعمرو معندوش مشكلة يشتغل مع حد".

وأكمل أيمن بهجت قمر: "حسيت إني أخطأت خطأ كبير وخسرت بعد 5 سنين فقررت أصالحه بألبوم معدي الناس، وحاولت أهنيه وكان قافل وزعلان لإني غلطت لما طلعت ده للسوشيال ميديا، ومش عيب لما أغلط، وأكيد إحنا الاثنين خسرنا في فترة القطيعة، وأنا مش ممكن هلاقي بديل لعمرو دياب ولا هو ممكن يلاقيلي بديل".