جزار الاستديوهات التحليلية.. أقوى سخرية لرامز جلال من رضا عبد العال في رامز نيفر إند

حلّ الناقد الرياضي رضا عبد العال، ضيفًا بحلقة اليوم السبت، من برنامج رامز نيفر إند والمذاع على قناة mbc مصر.

وسخر رامز جلال من رضا عبدالعال في مقدمته قائلًا: «جزار الاستديوهات التحليلية.. شعبان عبدالرحيم الاستديوهات الكروية».

وتابع رامز : «شعاره في الحياة لو الهجص ليه ناسه فإحنا أساسه، قمة من قمم الإعلام الرياضي، هتقولولي مدحت شلبي هقولكو متوجعوش قلبي، المدربين بالنسباله كفتجية بيقول على كيروش راجل مهبوش».

وأضاف: «لما تيجي تشوف إنجازاته تلاقيه معملش حاجة في حياته، راح يدرب فريق طنطا قالوله غور إنت راجل أوانطا، كان عايز يدرب الأهلي لحد هنا وقولت لأ كفاية حمو بيكا التدريب خليل كوميدي البرامج الرياضية رضا عبدالعال».