أعجبت بصورته وطبقة صوته .. محمد رجب: اشتغلت كومبارس لحد ما إيناس الدغيدي إكتشفتني

الموجز

أكد الفنان محمد رجب، أنه عمل كومبارس لفترة طويلة خلال مشواره الفني حتى رأته المخرجة إيناس الدغيدي: "في فترة كبيرة اشتغلت فيها كومبارس واتبهدلت لغاية ما إيناس الدغيدي شافتني بعد رحلة يأس كبيرة وكانت شافت صورة لي".

وأضاف "رجب"، خلال لقائه ببرنامج "حبر سري"، مع الإعلامية أسما إبراهيم، على قناة القاهرة والناس، أن المخرجة إيناس الدغيدي أعجبت بصورته وطبقة صوته.

وتابع: "قالت لي عايزاك معايا في فيلم وكنت أول اكتشاف مع هند صبري، وأحمد عز في فيلم مذكرات مراهقة".

وتابع: "لم أهتم أوي بالدور ولكن كنت عايز آخد خطوة بعد رحلة عذاب ومهانة ولكن مع تكرار دور الشرير كان في نظرة للناس ليا أني شرير، وكنت مش بحب كده، ومقوماتي النفسية مش قادر اتقبل الكراهية المطلقة، وتوقفت ومكنتش عايز أكمل، ونجحت في كل أدواري وظهوري بدور الشرير كان ناتج عن اعتذارات ناس".