عنتر وعبلة التيك توك.. رامز جلال يسخر من محمد فراج وبسنت شوقي في رامز نيفر إند (فيديو)

وقع اليوم الثلاثاء، النجمين محمد فراج وزوجته بسنت شوقي، ضحية رامز جلال في حلقة اليوم ببرنامج رامز جلال "رامز نيفر إند".

وقال رامز خلال تقديمه لضيوفه: «الوسط الفني على مر العصور مليء بقصص الحب، ومن أشهر القصص عمر الشريف وفاتن حمامة اللي علمونا الرومانسية، النهاردة معانا أحدث إصدارات الكابلز في الوسط الفني».

وأضاف: «تشارلز وديانا اتجوزوا في يوم واحد ودول عملوا فرحهم على سنتين، هوب صحينا من النوم على صور وتريندات وصويت وزغاريط قلنا إيه يا جماعة اتجوزاو قالوا لا مجرد قراية فاتحة».

وأكمل: «4 شهور السوشيال ميديا اتقلبت، إيه يا جماعة قلنا اتجوزوا قالوا لا مجرد خطوبة، 3 شهور كمان وعزموا مصر كلها، قلنا الحمد لله أخيرا هنخلص كن وجع الدماغ ونحضر فرحهم قالوا لا دي مجرد حنة».

واختتم: «لحد ما ربنا نتعهم بالسلامة وعملوا فرحهم على 3 أيام، يا جدعان ده شهريار معملهاش، رونالدو وجورجينا لا عملوا فرح ولا اتجوزوا أساسا.. معانا ومعاكم روميو وجوليت السوشيال ميديا عنتر وعبلة التيك توك قيس وليلى مواقع التواصل الاجتماعي».