الداعية مصطفى حسني: الملحدون لا ينكرون وجود الله
الموجز
قدم الداعية الإسلامي مصطفى حسني، روشتة لإعادة بناء الإيمان بالله، خلال شهر رمضان.
خلال حلقة برنامج "رميم" المذاع عبر فضائية "الناس"، قال حسني: "أول حاجة شكك وزعلك، جزء من قصة حياتك مع ربنا، كثيرون يظنون إنهم ملحدون، هو مش ملحد".
وأضاف الداعية الإسلامي: "هو مش مؤمن بتصور الإله اللى اتقال عليه أنه متربص بالناس وعاوز يدخلهم النار، ويعذبهم، سبب كل ده شوية تشويش، فأنت مش عارف رحمة ربنا فين".
وواصل: "قلبك زعلان وشاكك وقلقان، أنت عند ربنا اللي قال فيهم (فاصبر لحكم ربك فأنت بأعيوننا)، أنت بعين ورعاية الله، بالدليل أنت بتسمع تذكرة ربنا لك، انك أنت تراجع الفكرة، كمل حياتك بمراجعة نفسك".
وتابع مصطفى حسني: "راجع معلوماتك اللى شككتك وصدتك في وجود الله، أسأل أهل العلم والتخصص عن تساؤلاتك عن الله، زي ما كان الناس بتسأل سيدنا النبى، أين كان الله، قبل خلق الدنيا، ومن خلق الله، والنبى سيدنا كان بيحكى لهم ويجاوب على تساؤلاتهم، دور على حد يساعدك فيما انهار بينك وبين الله".