«زعيق وصويت ونواح».. الجمهور يهاجم «مربوحة» في «الكبير أوي 7».. وناقدة: أوفر ودمها مش خفيف
الموجز
انتقد عدد كبير من رواد مواقع التواصل الاجتماعي شخصية "مربوحة"، والتي تجسدها الفنانة رحمة أحمد، بأحداث الجزء السابع من مسلسل "الكبير أوي 7".
ووفقا لموقع "مصراوي"، اتهم رواد السوشيال ميديا شخصية "مربوحة" بالمبالغة في الأداء، بعد عرض ثاني حلقات مسلسل "الكبير أوي 7" مساء الجمعة.
وقال المؤلف أيمن سليم: "زعيق و حزق و صويت و نواح و حيزن مغلي .. إحنا ناقصين توتر و عبث!!.. ده نتيجة النفخة و النجاح المفاجئ اللى حصل لمربوحة".
وقالت الناقدة الفنية فايزة هنداوي: "رحمة احمد "مربوحة" كلنا أشدنا بموهبتها وتلقائيتها السنة اللي فاتت .. لكن السنة دي فيه افتعال ومبالغة وزعيق كتييير .. نتمني أنه يقل في الحلقات القادمة".
وكتب أحمد الحسيني: "ماقلنا من السنة اللي فاتت دمها مش خفيف قولتو اطلعو من البلد".
وجاءت التعليقات على النحو التالي:
- ممثل المسرح لازم يبقي صوته مسموع عشان يغطي القاعة، بس في التليفزيون الصوت العالي جداً والصريخ واللبس بألوان أوفر وكتير ومش متناسقة مابيعملش كوميديا بيعمل توتر أتمنى متبقاش نقطة ضعف تقضي على المسلسل.
- هو أنا لو قلت مربوحة سخيفة وصريخ بلاهدف هيقيموا عليا الحد.
- الممثل بعد نسبة نجاح بياخد كريديت أنه يتصرف من دماغه شوية، والنسبة الباقية على المخرج اللي اعتقد انه لازم يوقف اللي بيحصل.
- صوتها عالي زيادة عن اللزوم والكوميدا بتاعتها أوفر شويتين
- هي اعتمدت على نجاحها الجزء اللي فات، من خلال اللبس المختلف والصوت العالي، بس جودت اوي اوي فطلعت تقيلة
- مسلسل الكبير مفيش حالياً غير دويتو جوني مع هجرس الباقي كله حشو
- في فرق كبير بين الافتعال وفن الأداء
وتعد هذه هي المشاركة الثانية لرحمة أحمد بشخصية "مربوحة" بعد ظهورها لأول مرة بالجزء السادس من مسلسل "الكبير أوي" والذي عُرض بموسم دراما رمضان 2022 وحققت نجاحا جماهيريا كبيرا.