عماد متعب يرد على سؤال: «رمضان صبحي طلب منك تتوسطله عشان يرجع الأهلي؟»
الموجز
كشف نجم وهداف منتخب مصر والنادي الأهلي، عماد متعب، حقيقة طلب رمضان صبحي منه التوسط للعودة إلى القلعة الحمراء.
وخلال حواره مع الإعلامية أسما إبراهيم في برنامج "حبر سري" المذاع عبر فضائية "القاهرة والناس" مساء الجمعة، أكد عماد متعب أن رمضان صبحي لم يطلب منه التوسط للعودة إلى النادي الأهلي.
وأضاف متعب: "متكلمتش مع رمضان صبحي في الموضوع نهائياً، والكلام مش هيفيد بحاجة ومحستش إن مكالمتي هتعمل حاجة ومش بنتكلم في الكرة عامة".
وعن رأيه في احتمالية عودة رمضان صبحي إلى الأهلي، قال هداف المنتخب الوطني: "عودة رمضان للأهلي ترجع لمجلس الإدارة، ولكن موضوع رجوعه هيبقى صعب بالنسبة لمجلس الأهلي وجمهور الاهلي لأن الجمهور كان بيحبه بشكل غير طبيعي".
وتابع: "رمضان صبحي كان بيتعامل بشكل مميز في الأهلي وكان بإمكانياته مهم وخد قرار انه يمشي واختار نادي غير الاهلي في مصر وده زعل الجمهور، واللي بيلعب في الاهلي مينفعش يسيب الأهلي، ومستحيل اسيب النادي الاهلي وأروح لنادي تاني لو مكانه".