ثبات انفالي وشجاعة لعمرو يوسف في سيارة موفي ستار.. وأغرب رد فعل من الفنان بعد رؤية رامز جلال (فيديو)

الموجز
رمضان
منوعات رمضانية
2022-04-26 19:53

وقع الفنان عمرو يوسف ضحية في حلقة الليلة من برنامج "رامز موفي ستار" للنجم رامز جلال على قناة "إم بي سي مصر".

وسخر رامز من عمرو يوسف في بداية الحلقة قائلاً: "لو مستنين عمرو دياب مش هيتأخر كده".

وأضاف: "نجم الحظ العاثر، العكوسات مبهدلاه ومعمول له عمل على ضهر سمكة تايهة في بحيرة البردويل، حامل لواء الدقن البولند، دي دقن مراكبي".

وقال رامز جلال : "نجمنا فيه كل مواصفات النجاح، العين زرقا والدقن تركي والبياض أوكراني، كان طالع بسرعة الصاروخ، وفجأة الحظ مبقاش حليفه، وبقاله سنتين العكوسات مبهدلاه، كل ما يدخل مسلسل أو فيلم ميكملش، نجم الحظ العاثر".

وسخر رامز من ملابس عمرو يوسف بمجرد ظهوره قائلا : "في نجم كبير بنطلونه مقطع مدلوق عليه مية نار؟"

وواصل رامز تعليقاته حول ضخامة عمرو يوسف قائلا : "بالجسم دا محتاج قطعتين ملابس يتخيطوا في بعض، البنت مش بتاخد مقاس كتاف، بتركب ستاير".

وأظهر عمرو يوسف ثبات انفعالي كبير خلال المقلب، وخاصة على حافة بحيرة التمساح.

وعقب اكتشافه المقلب، حاول الفنان عمرو يوسف ضرب رامز جلال، قائلًا: "المقلب جامد.. ومش عارف إزاي يبقى ياسر جلال أخوك".

 

تعليقات القراء