«الاختيار 3» الحلقة 24.. تسريب جديد لـ محمد بديع مرشد الإخوان: «كون مرسي رئيس مصر معناه إن ربنا رايد للبلد خير»
الموجز
عرضت الحلقة الرابعة والعشرون من مسلسل "الاختيار 3 - القرار"، المذاع عبر فضائية "أون"، تسريباً جديداً يجمع محمد بديع مرشد جماعة الإخوان الإرهابية، والرئيس المعزول محمد مرسي، ونائب المرشد خيرت الشاطر، والقيادي بالجماعة سعد الكتاتني.
وخلال التسريب، قال محمد بديع: "إحنا كإخوان شهادتنا مجروحة، رئيس الوزراء الإيطالي.. السفير الإيطالي اللي قال لي الكلام ده جه زارني وكان يومها طالب إنه يقابلني فـ والله كنت مسافر كان عندي امتحانات في الجامعة منتدب للدراسات العليا، فقال لي أنا كنت عايز أخلي رئيس الوزارة يقولك الكلام ده بنفسه، قولتله كلام إيه؟ قال لي إحنا روحنا زرنا الدكتور مرسي، أنا كنت متصور إن الدكتور محمد مرسي أستاذ في الهندسة، فلقيته رئيس الوزارة بتاعنا رجل اقتصاد دردش مع الدكتور محمد في الاقتصاد فبيقولي أنا بهنئكم إن عندكم واحد زي الدكتور مرسي."
وأضاف بديع: "الكلام ده قبل الترشيح لأن رئيس الوزارة اللي بيحب الاقتصاد ومتخصص فيه أعجب جداً بأفكاره الاقتصادية ده بقى كلام خارج القيم والأخلاقيات لأنهم مختبرهوش فيها اللي هي عمود الإنسان اللي ببركته ربنا بيوفقه ده بينه وبين ربنا كون إن ربنا يختار لمصر رئيس بهذا الشكل ولا أزكيه على الله ربنا رايد الخير للبلد دي”.
ومسلسل "الاختيار 3" يُعرض عبر فضائية "أون" الساعة 9.30 مساء والإعادة الساعة 4.20 صباحاً والساعة 3.25 مساء، ويعرض على قناة ON دراما الساعة 11.20 مساء ويعاد الساعة 6 صباحا والساعة 10.30 صباحا والساعة 4.40 مساء.
والمسلسل من تأليف هانى سرحان، وإخراج بيتر ميمى، وإنتاج شركة سينرجي، ومن بطولة كل من: أحمد السقا وكريم عبد العزيز وأحمد عز وياسر جلال، وخالد الصاوى، صبرى فواز، جمال سليمان، محمد رياض، إيمان العاصى، هيدى كرم، سمر مرسى، نور محمود، خالد زكى، منى عبد الغنى، مفيد عاشور، نادية رشاد، أمير المصرى، محمود البزاوى.