دينا الشربيني: «الثقافة الجنسية أول علاج للتحرش.. وفيه بنات بتتجوز ومش عارفة حاجة»
الموجز
كشفت الفنانة دينا الشربيني، عن عدد من كواليس حياتها الشخصية، وذلك خلال حوارها مع الإعلامية أسما إبراهيم في برنامج "حبر سري" المذاع عبر فضائية "القاهرة والناس".
وقالت دينا الشربيني: "أنا قولت الثقافة الجنسية أول علاج للتحرش، قولته زمان كان تفكيري في حتة كده محدش بيعرف يتكلم فيها وهي البنت لو فاهمة بطريقة علمية، هتعرف تقرر إيه الحاجات اللي لازم تتعمل والولد يقعد جنب البنت على إنها أخته".
وأضافت الفنانة: "علموا الناس الموضوع ده في بنات مثلًا وهي بتتجوز مبتكنش عارفة حاجة، ومامتها تتكسف تتكلم معاها، علميها عشان تبقي فاهمة، التحرش بالعين، مش لازم لفظي، أي واحدة في الشارع اعتبر إن دي أختك".
وردا ًعلى سؤال "إيه الأفضل الثقافة الجنسية ولا عقاب رادع للمتحرش؟"، قالت دينا الشربيني: "هو كده كده لازم يتعاقب، لأن دي حاجة وحشة أوي، يمكن يبقوا مش فاهمينها أو مش حاسينها، بس الموضوع التاني مهم برده، أنا بتصعب عليا الناس، بس لازم الكل يعرف إنك لو عملت كده بجد هتتعاقب مش سهلة ممكن يعمل لوحده مشكلة مش عادية".