لابس ترنج وشغال في محمصة.. رامز جلال يسخر من سليمان عيد (فيديو)
حل الفنان سليمان عيد، ضيف اليوم في برنامج "رامز موفي ستار"، تقديم الفنان رامز جلال، المُذاع علي قناة "إم بي سي مصر" .
وبدأ رامز جلال تقديم الفنان، قائلا: «ظهر في الفترة الأخيرة جيل جديد من الكوميديانات اللي بيستسهلوا ومبيتعبوش على الإفيه، فاكرين خفة الدم بالساهل، واللي زي الناس دي بيفرقعوا بسرعة وبيختفوا بسرعة، مش زي النجم اللي جاي لنا النهاردا».
وأضاف عن الفنان سليمان عيد: «بقاله عشرين سنة بيقول إفيهات وينبوع لطافته لم ينضب بعد، الراجل ده مش موهوب وبس ده عامل زي السحلية؛ بيتلون وبيتغير ويتأقلم مع الظروف، لقى التيك توك مجنن الناس قال لا مبدهاش واقتحم عالم السوشيال ميديا وهو في أرزل العمر وأمرطنا بوابل من الفيديوهات أخرج فيها طاقة الكوميدية».
وتابع في وصف الضيف: «الحقيقة هو بدأ كويس لحد ما الفترة الأخيرة بدأ يهيس والعملية فرطت منه، عشان كده أنا جايبه النهاردا أعرفه غلطه وأرجعه على تراك الكوميديا السليم وفي نفس الوقت هوريه الجحيم»، مضيفًا: «معانا ومعاكم صاحب الفيديوهات الأشهر، الكوميديان الأشطر، المضحكاتي الأسمر سليمان عيد».
وسخر رامز من ملابس سليمان عيد، قائلا: "ده لابس ترنج.. إيه الصلعة دي.. ده مش بيتخض ده بيرقص بالية.. اسم سليمان يعني رجل سخيف..الله أكبر ده شغال في محمصة قهوة".
مقدمة حلقة سليمان عيد و مقابلة فاندام في #رامز_موفي_ستار https://t.co/kcIFNJsMcp
— Ramez Galal (@ramezgalal) April 21, 2022