«ابنك مابيقولش انه ابنك».. نجل هالة سرحان يخفي صلة قرابته بها.. والإعلامية توضح الأسباب

الموجز   

كشفت الإعلامية هالة سرحان، عن إخفاء نجلها صلة قرابته بها، مؤكدة أنه شخصية مستقلة.

وخلال الجزء الثاني من حوارها مع الإعلامية أسما إبراهيم في برنامج "حبر سري" المذاع عبر فضائية "القاهرة والناس" مساء الأحد، قالت هالة سرحان إن نجلها محمد "شخصية مستقلة، وإحنا ووالده اسمنا في الساحة، وهو مش عايز يبقى مطبوع بأني أنا ابن فلان".

وتابعت الإعلامية: "أقسم بالله ما بساعده ولا اعرف عن شغله حاجة واتفرجت على شغله زي كل الناس، أنا اتفرجت على بيمبو زيي زي الناس، ولما روحت معاه الحفلة بصفتي أمه، الناس اتفاجئت".

وتابعت هالة سرحان: "ابني مش بيقول للناس أني أمه، والناس اللي معاه بيتفاجئوا أن هالة سرحان والدته، وفي ناس من أصحابي كمان مكنوش يعرفوا وبتحدث مفارقات كوميدية".