تسريب خطير لـ «الشاطر» في حديثه عن عمليات إرهابية ومخطط تفجيرات «أبواسماعيل» وجماعته.. الاختيار3.. فيديو
الموجز
شهدت الحلقة العاشرة من مسلسل الاختيار 3، والتي عُرضت اليوم تحت عنوان "الإستفتاء على الدستور"، تسريب خطير لنائب مرشد جماعة الإخوان الإرهابية خيرت الشاطر وهو يتحدث عن العمليات الإرهابية في مصر مع ظهور حازم صلاح أبو إسماعيل.
وقال الشاطر: "المجموعات الرئيسية اللي كانت بتدعم حازم أبو إسماعل مئات الآلاف في المحافظات على مستوى الجمهورية، السلفية الشعبية بتتبناه، وجزء من سلفيين القنوات الفضائية، ودول مش منظمين مش جسم يقدر يعمل شغل كبير، إنما في مجموعات خطر زي عبدالمجيد الشاذلي أو القطبيين أو السلفيين الجهاديين حتى لو قليلين دول خطر حقيقي متبنين فكرة العنف، عندهم نظرية نقفز على الحكم والسلطة وتعديل خطير في استراتيجيهم يبقى جزء من الإصلاح من فوق من وجهة نظرهم".
وأضاف: "عبدالمجيد وجه نداء الشهر اللي فات للقاعدة والعنف اللي برة إنهم ينزلوا مصر ونزل شوية مش كتير 30 أو 40 شخصا في ظل الهيصة في البلد والامور مش محكومة على مستوى أمن الدولة وأجهزة المختلفة يمكن يبقى في تفكير في تفجيرات محدودة".
وتابع: "ده لو توافق مع سكون عند الإخوان ده تبقى كارثة، لو نزلت مليونية وجه عندي صوت طب إطلع على المحكمة أو اللجنة العليا للانتخابات أو مجلس الدفاع أو وزارة الدفاع، وأنا قلقان إن الفترة الجاية تلجأ للعنف لو على نطاق صغير.. هنرجع لأجواء 92 وأجواء ثانية كان خمسة ستة في حتة بيعملونا فرقعة في المتحف ولا في حاجة بتعملنا إزعاج".