«لم أعاتبه لأننا مش صحاب» .. عمرو يوسف يكشف سبب حزنه مما فعله محمد رمضان
الموجز
رد الفنان عمرو يوسف على سؤال بأنه حزن من محمد رمضان بعدما قال إنه سيقوم بدور الملك أحمس عقب وقف المسلسل، وذلك خلال الجزء الثاني من حلقته مع أسما إبراهيم ببرنامج "حبر سري" على قناة القاهرة والناس.
وقال يوسف: أنا مازعلتش بس لو أنا مكانه مش هعمل كده.. زعلت إن المسلسل وقف لكن مش منه، مازعلتش بس لو أنا مكانه مش هعمل كده.. طريقة تفكير الحقيقة بعيدة عن اللى اتربيت عليه وشفته من أساتذتنا وزملائنا".
وأضاف عمرو يوسف: "مينفعش يبقى حد في مطب زي ده وأنا أطلع أعمل كده.. مكنتش أتخيل أن ممكن حد يعمل كده، لأن في ناس في مشكلة؛ ممثلين وشركة إنتاج .. ناس تعبت في شغلانة وتوقفت، فهل يجوز إن أطلع في وقت أعمل كده.. متخيلش أن حد يعمل كده لأنه غريب على تربيتي".
وعن سؤال بأنه عاتب محمد رمضان بعد ذلك الموقف، قال: "لم أعاتبه لأننا مش صحاب.. وهو يعمل اللي يعمله ربنا يوفقه في كل حاجة.. أنا بتمنى الخير للناس".