مش محتاجة راجل يصرف عليّا .. شيرين رضا عن الارتباط: أنا مبعضش ولا بخوّف

الموجز

قالت الفنانة شيرين رضا، ردًا على سؤال بأن قوة شخصيتها جعلت كل رجل يخاف أن يحبها: "أنا مبعضش ولا بخوّف، لكن أنا مش محتاجة راجل يصرف عليّ أو ياخد باله مني أو راجل أعتمد عليه.. بس ممكن يبقى صديق ليّ أو رفيق المشوار".

وأضافت خلال استضافتها ببرنامج حبر سري على قناة القاهرة والناس مع أسما إبراهيم: "إنما كل واحد عايز ييجي يتحكم فيّ آسفة"، فيما ردت على سؤال أسما بأنها لا تخشى أن توصف بأنها مسترجلة، قائلة: "ماشي إشطة، هو الاسترجال دي شتيمة؟".

وتابعت شيرين: "لو حبيت بقول لكل الناس I love you، وعادي إني أقول بحبك من الأول لشخص.. ما بستناش هو لازم يقولي.. أنا مش تافهة.. مش ممكن هقول لحد بحبك وانا مش متأكدة أنه هو كمان بيحبني.. وأنا عمري ما هقول لحد بحبك غير لما أكون متأكدة أنه بيحبني".

وردًا على كونها عاشت قصة حب وقررت أنها ممكن تتزوجه وتكسر القاعدة، قائلة: "براد بيت.. أكسر له كل القواعد.. لو جه أكسر له كل القواعد.. غير كده آسفة".

وتابعت: "أنا بضحك على أحزاني عمري ما هبقى دراما كوين أبدًا"، مضيفة بأنها لم تفكر في الحجاب من قبل. ​