“عقلة صباع الإبداع وشبر ونص التمثيل”.. رامز جلال يسخر من جميلة عوض

كعادة الفنان رامز جلال يسخر من ضيوفه الذين يحلون فريسة لفخه في برنامج “رامز عقله طار”، وسخر من الفنانة جميلة عوض وملابسها.

وقال رامز عن جميلة عوض: “متمردة مع إنها قد الزئردة، عقلة صباع الإبداع، شبر ونص التمثيل، النجمة اللي قد الكفة، بسكويتة مدلعة”، وعلق على ملابسها، مضيفًا: "يا نهار أسود إيه اللبس ده، إنتي نازلة كايرو جاز، إيه اللي ماسكاه في إيدك، دي بوهجة ولا شنطة ولا مشنة عيش، والبنطلون مقطع، إنتي كنتي بتتخانقي، وإيه الحلق اللي ودنك، ده حلق ولا زرار قميص".

وتعد جميلة عوض هي الضيفة رقم 21 في البرنامج، حيث استضاف رامز خلال الموسم الجاري العديد من النجوم منهم حمادة هلال، ريم مصطفى، دينا الشربيني، ملك قورة، مطرب المهرجانات حمو بيكا والراقصة البرازيلية لورديانا، سمية الخشاب، أحمد سعد، محمد هنيدي، كريم عفيفي، معتصم النهار، إسلام إبراهيم، ريم عبد الله، دينا محسن الشهيرة بـ “ويزو”، محمد عبد الرحمن الشهير بـ “توتا”، أحمد مالك، واللاعب محمد مجدي قفشة، رمضان صبحي، فهد المولد.