الموجز في لقاء حصري مع «الأنانية إللي رفضت تفرط في عبوة كلور من 10 عبوات» .. «نهال حمدي» بطلة حلقة «ورطة إنسانية»: قلت للمخرج «الله يسامحك» وتكشف عن «مشاهد تم حذفها»

الموجز  - كتب - محمد علي هـاشم 

حقق برنامج "وطة إنسانية" في موسمه الجديد ، نجاحاً كبيراً على مستوى الوطن العربي ، حيث يقوم البرنامج على خلق مواقف إنسانية لتسجيل ردود فعل المارة  .

وفي حلقة اليوم كان الموقف لسيدة تحتاج لعبوة كلور ورفضت أخرى مساعدتها بعبوة واحدة على الرغم من شرائها لـ 10 عبوات ، بحجة أنها تخشى ألا تجد ما تحتاجه مستقبلاً ، لتنهال ردود الأفعال الرافضة لهذا الموقف الأناني .

نهال حمدي بطلة الحلقة" والتي قامت بدور الأنانية الرافضة للمساعدة ، هى ممثلة خريجة ورشة نقابة المهن التمثيلية الدفعه الثانية وورشة دكتور فريد النقراشي و دكتور أسامة فوزي.

وكان للموجز لقاء مع بطلة الحلقة الفنانة "نهال حمدي" ننشره فيما يلي :- 

لما اتعرض عليكي الدور ما خوفتيش من رد فعل الناس ؟

أكيد خفت وكنت خايفة حد يقولي كلام يضايقني بس اخدتها كتحدّي اني هعرف امثل والا لا وده ما منعش ان في ناس قالتلي كلام يضايقني

هل ده أول دور ليكي ؟

لا ده تاني دور ليا اول دور كان ليا دكتورة في نسر الصعيد كنت طالعه دكتورة مع استاذة وفاء عامر

لما لقيتي الناس متعاطفة مع البنت اللي محتاجة الكلور كان إحساسك ايه ؟

كنت متضايقة جدا لان انا مش طبيعتي كدة وكنت بفكر اديلها الكلور بس كنت خايفة من المخرج والممثلة اللي معايا كانت بتقولي عنيكي كانت بتقولهم خدو الازازه وبعد كل موقف كنت بقول للمخرج الله يسامحك.

رأيك ايه في برامج "المقالب" بشكل عام ؟

في برامج مقالب بتكون حلوة زي الكاميرا الخفية بتاعه إبراهيم نصر وفي برامج مابحبهاش وبحس اني متضايقة وانا بتفرج عليها لان بيكون فيها استفزاز للمشاعر او عنف او تقليل من كرامة اللي بيحصل فيه مقلب.

لو الموقف ده بجد وحد طلب منك مساعدة هتعملي ايه ؟

من غير تردد هحاول اقدم المساعدة اللي هقدر عليها لآخر نفس فيا لان الدين المعاملة والحب والإيثار والتضحية دول اعلي مراتب الإنسانية.

وكشفت نهال حمدي عن حذف بعض المشاهد من الحلقة وكانت كالتالي : 

في واحده قالت أتكلم مع مين دي "مش مصرية" بكرة يرجعوا يستغلو عندنا زي الكلاب .

وواحده قالت دي شكلها "وذكرت جنسية غير مصرية" دول ماعندهمش قلب قلة الكلام معاها احسن.

وفي بنت موجوده اتعصبت عليًا وقالتلي انتي معندكيش دم ولا احساس  بس اتمنتجت.