فيديو.. دينا الشربيني تُبهر السوشيال ميديا بمشهد عالمي في الحلقة الثالثة من ’’زي الشمس‘‘
كتب: ضياء السقا
أبهرت الفنانة دينا الشربيني، الجمهور، بأداء مشهد مؤثر أمام الفنان أحمد السعدني، ضمن أحداث الحلقة الثالثة من مسلسل زي الشمس، الذي يُعرض ضمن السباق الرمضاني على إم بي سي مصر.
فين الناس الى بتقول دينا الشربينى مبتعرفش تمثل دى بتمثل و بتحسسك انها حقيقه فعلا ..بحبها جدا..
في المشهد ده خلتني اعيط معاها من احساسها #زي_الشمس pic.twitter.com/dvGtjz07xK— Yasmina? (@YasminH20463395) May 9, 2019
وتدور أحداث المشهد، حول دخول دينا الشربيني "نور" في مرحلة انهيار تام وصراخ متواصل، بعد اعتراف شقيقتها فريدة "ريهام عبد الغفور" لها بالحمل من خطيبها عمر "أحمد السعدني".
اللي يقول ان دينا الشربيني مبتعرفش تمثل محتاج يراجع نفسه بجد، انا شوفت مشهد دلوقتي بتعيط فيه لاحمد السعدني جسمي كله قشعر وقعدت أعيط وانا مشوفتش ولا حلقة من المسلسل.. البت دي شاطرة حقيقي وموهبة بغض النظر عن أي حاجة تانية.
في 3 دقايق اخدتني ونقلتني في حتة تانية خالص.#زي_الشمس— غَادَة (@Ghadamahmoud_) May 9, 2019
وواصلت الشربيني انهيارها أثناء المشهد قائلة للسعدني: "عملتوا كده.. عملتوا كده ليه؟"، ثم تجلس على الأرض وتمسك بساق خطيبها وتقول: "أنا أسفة.. أنا مسامحاك.. مش مشكلة لو غلطت، بس ماتعملش كده تاني"، ليرد عليها: "أنا اللي أسف.. مقدرناش نسيطر على مشاعرنا".
فين الناس الى بتقول دينا الشربينى مبتعرفش تمثل دى بتمثل وبتحسسك انو مش تمثيل بتحسسك انها حقيقة فعلا ..بحبها جدا ومسلسلها السنة دى من اكتر الحاجات الى شدتنى ❤❤❤#زي_الشمس
— esraa gaber (@esraaelgamasy) May 8, 2019
المشهد نال إعجاب رواد السوشيال ميديا، بعد الأداء المبهر الذي قدمته دينا الشربيني، وتقمصها بشكل احترافي شخصية الضحية التي يخونها خطيبها مع شقيقتها.
أداء دينا الشربيني في حلقة اليوم أوجع قلبي? #زي_الشمس pic.twitter.com/dc0nvMH1WX
— سلمى (@SalmaAlafalig) May 9, 2019
شاهد المشهد:
وتدور أحداث المسلسل في إطار تشويقي مثير حيث يتعرض شقيق المحامية (دينا الشربيني) إلى القتل على يد أحد الأشخاص المجهولين، فتبدأ شقيقته في البحث عن قاتله، وتُشير أصابع الاتهام لتورط العديد من المقربين له.
المسلسل من ﺇﺧﺮاﺝ: سامح عبدالعزيز، وتأليف سمر عبدالناصر ومجدي أمين، وبطولة: دينا الشربيني، ريهام عبدالغفور، أحمد صلاح السعدني، أحمد داود، سوسن بدر، جمال سليمان.