عمرو أديب: أنا لو واحد نازل من المريخ هختار ترامب طبعا.. رغم إن الأرقام مش في صالحه

الموجز
سياسة
2020-10-24 07:06

الموجز

أكد الإعلامي عمرو أديب، أن  الرئيس الأمريكي، دونالد ترامب انتصر على منافسه جو بايدن، في المناظرة التي جرت بينهما أمس الخميس.

وأضاف "أديب" خلال تقديمه برنامج "الحكاية"، المذاع عبر فضائية "mbc مصر"، أنه لو كان مواطن أمريكي سيختار ترامب رئيسا لأمريكا، قائلا :" كل استطلاعات الرأى قالت إن ترامب كان أفضل، وأنت لو سألتنى أنا كعمرو وشوفت المناظرة، هقولك إن جو بايدن عايش فى الإنشا، إنما ترامب عملى جدا وعنده حاجات عملها، لأن ترامب قال لبايدن إنه قعد فى السلطة 8 سنوات ماحلتش المشكلات اللى بتتكلم عنها ليه".

وتابع :"ترامب زنق بايدن بموضوع ابنه هانتر، بخصوص الشبوهات المالية اللى بينه وبين دول أجنبية أخرى ومتورط فى حاجات ممكن تأثر على مشوار أبوه فى الانتخابات، وكل الناس بتقول إن ترامب لو عاوز يقهر كل التوقعات يحتاج معجزة لأن المسألة ليست سهلة، وفى التصويت المبكر فى أكثر من ثلث المواطنين صوتوا خلاص في هذه الانتخابات".

وواصل أديب "سواء ده كسب أو التانى كسب، فى الحالتين لما تكون أنت قوى وشعبك بيساندك مش هيفرق معاك النتيجة فى الانتخابات الأمريكية، وبايدن دايما بيستعمل ورقة الكورونا، ولو ترامب خسر الانتخابات دى، هو هيخسر بسبب الكورونا، وبسبب ارتفاع الإصابات الضخم فى الولايات المتحدة الأمريكية".

تعليقات القراء