نجيب ساويرس عن أزمة جزيرة أمون : لو بتاعتي محدش هيحط رجل عليها

الموجز

في أول تعليق لرجل الأعمال نجيب ساويرس، على أزمة جزيرة "آمون"، وما يتردد بشان اقتحامه للجزيرة، قال ساويرس: إن هذا الأمر يخص شقيقه سميح ساويرس.

وأضاف خلال لقائه مع برنامج "القاهرة الآن"، المذاع عبر فضائية "العربية الحدث"، والذي تقدمه الإعلامية لميس الحديدي، مساء اليوم الاثنين: "ده موضوع ميخصنيش، ده يخص سميح، ومع احترامي لأهل النوبة، اللي هما عارفين أنا بحبهم إزاي، وأنا كل ما أشوف واحد نوبي ببقى عايز أبوسه".

وتابع أن أهل النوبة لديهم الكثير من الصفات الطيبة التي توارثونها عن أجيال سابقة، منها الشرف والكرامة، والصدق والأمانة، مضيفًا: "الجزيرة دي ملكية خاصة لعائلة اسمها عائلة هلال دي بتاعتهم، وسميح اشتراها بعقد ومسجلة، وهما اللي معتدين".

وأردف: "دي حقيقة الأمر، أنا مليش دعوة، لأنها مش تبعي، بس لو الجزيرة دي بتاعتي من الأول مكنوش هيعرفوا يحطوا رجل عليها، لو واحد دخل على أرضي ربنا يكون معاه إن شاء الله".

ونفى ما تردد بشأن إرسال قوات أمنية إلى الجزيرة، معقبًا: "ده اعتداء على ملكية خاصة، وهما معتدين".

واستطرد: "دي ملكية خاصة وسميح اشتراها، وإذا كانت الدولة تدخلت لإعمال القانون فده صح، وإحنا اللي بننادي بيه، وعارف إن أخويا لا يمكن يعمل حاجة غلط، وفي الحالة دي هما غلطانين ولوي الدراع ده مع الصعايدة مبيجيش، ده سميح بس مسالم".