"عبد الرحمن يسري" تصدى لحرق مقرات الإخوان فكان مصيره الضرب والتعذيب من أفراد الجماعة!

"عبد الرحمن يسري" طالب بكلية الطب جامعة الإسكندرية، وعضو مؤسس بحزب مصر القوية، ومسئول بحركة طلاب مصر القوية بكلية الطب.
كتب يوم الجمعة الماضي على صفحته الشخصية عبر موقع التواصل الاجتماعي "الفيس بوك" قائلا: "هل حرق مقرات الإخوان بهذه الطريقة الهمجية الغجرية هو النضال، هل هذا هو التحرك الثوري السليم لاعتراضك على قرارات مرسي، هل هذا يتفق مع ما تنادون به من ديموقراطية، والله محتاجين إعادة تعريف للثورة والثورية.. كل من ثائر على أسلوبه".
وعندما ذهب "عبد الرحمن" ليبحث عن أصدقائه الذين تم القبض عليهم في أحداث "جمعة غضب 23 نوفمبر"، تعرض للضرب والتنكيل على يد مجموعة من المنتمين لجماعة الإخوان المسلمين.
وهذه شهادة "عبد الرحمن" عما حدث له

انا عبدالرحمن محمد يسري طالب بكلية طب الاسكندرية و عضو مؤسس بحزب مصر القوية
و مسؤول حركة طلاب مصر القوية في كلية طب
اللي حصل معايا انا وزمايلي عبدالرحمن الجندي و عبدالعزيز جمال و محمود جابر كالتالي
امبارح كنت قاعد على الفيس بوك لقيت زميلي عبدالرحمن الجندي كاتب انا اتقبض عليا
قبلها انا كنت قاعد بكتب ستيتاسات و بوستات توضح مدى استيائي من الاسلوب الغجري الهمجي اللي تم به حرق مقرات حزب الحرية و العدالة
اتصلت بزميلي احمد سعيد البراجة و سألته عن الجندي و قالي انه ما يعرفش هو فين و انه حيروح قسم سيدي جابر يسأل عنه
قابلته عند القسم و سألنا عنه لكننا ما لقيناهوش
و ساعتها اتوجهنا لمديرية الامن نسأل عليه هناك و برده ما لقيناهوش
لكني قابلت والدة الجندي هناك
كانت محروقة و ملهوفة على ابنها و بتدور عليه و لكن ان تتخيل منظر ام في موقف زي ده
حاولنا نهديها و نقلها ان الجندي والله من اكثرا تعقلا و حكمة و استحالية يكون شارك في اي شغب او اعمال تخريبية و انه ان شاء الله حيطلع
و بقى كل اللي في ايدنا اننا نكلم ظباط من معارفنا يدلونا على المكان اللي ممكن يكون اتحجز فيه
عرفنا بعدها ان عربيات الامن المركزي موجودة عن سور قطر محطة سدسي جابر نفس المكان اللي موجود فيه مقر جماعة الاخوان و ان الشباب اللي بتمسكوا بتحجزوا في العربيات و لسة موجودين هناك حتى الان
اتجهنا للمكان هناك و كلمت عاصم عبدالمعطي زميلي في الكلية عشان اخوة نقيب في الامن المركزي
عشان نحاول نخلي اخوه الظابط يكلم الظباط المسؤولين هناك و يفهونا ايه اللي حيحصل معاه او هو ممسوك ليه او حتى نخرجه
لما اتجهنا انا و عبدالعزيز و محمود لقينا شارع مقر جماعة الاخوان المسلمين مقفول بمكس من العساكر و شباب الاخوان منعونا من الوصول لمكان عربيات الامن المركزي
قبلنا ساعتها نقيب ما اعرفش اسمه طلع يعرف محمود زميلي و اتكلم معانا بمنتهى الذوق و الاحترام و قالنا دة كدة هم حيروحوا بيهم على مديرية الامن انتوا ممكن تستنوهم هناك
و فعلا اتجهنا تاني لعربيتنا الل كنا راكنينها عند ماكدونالز سموحة عشان نرجع المديرية تاني
اثنائها كان في هجمة كر و فر لكن المرادي الهجمة مافيهاش صوت سرينة الامن المركزي او طلقات الخركوش او قنابل الغاز
شباب من المتظاهرين بيجروا و شباب الاخوان بيجروا وراهم لحد نادي سموحة
اللي بيبعد عن مقرهم ما لا يقل عن 200 متر
كنا مستنكرين كل الحدث من الطرفين الصراحة لكننا و احنا ماشيين عبدالعزيز اتفاجئ برجل من الاخوان ثلاثيني من العمر ماسك عيل عمره لا يزيد عن 15-16 سنة و بيضربه
موبايل الولد وقع منه راح عبدالعزيز قال للراجل استنى اديله موبايله و حط الموبايل في جيب الولد و قال للراجل خف ايدك من عليه مات تضربهوش كدة انت تروح تسلمه
الراجل قالة في انفجار و انفعال و انت مالك
و اصر عبدالعزيز ان الراجل ما يضربش الولد
مع ارتفاع صوت عبدالعزيز و الراجل و حدة الكلام بينهم
جه جري علينا مجموعة من شباب الاخوان فاكرينا من المتظاهرين و ان الراجل قابض علينا
من غير اي تفكير اتلم علينا 8 او 9 افراد استلمونا ضرب و كل ما يمسكوا واحد فينا و يتمكنوا منه سواء احنا او المتظاهرين
تتعالى صيحات ( الله اكبر و لله الحمد
و في سبيل الله قمنا نبتغي رفع اللواء
اتضربنا طبعا لما قلنا يا كفا في مكانا و اخدونا على العربيات كل واحد فينا لوحده ما اعرفش صحابي فين ساعتها ما شفتهمش
في طريقي مكاني للعربية اللي بيبعد 5 دقائق مشي
و اقسم بالله العظيم لا بزيد ولا بنقص حرف حصل معيا التالي
_ تعالى معانا يا ك* امك
انا بقولهم محدش يمسكني كده انا طالب في كلية طب
نفس الشخص قالي كلكم خولات و بتقولوا انكم مهندسين و دكاترة
شباب الاخوان اللي جاي مش فاهم بيسأل عمل ايه ده ؟؟
و سواءا حد رد عليه او لا لازم يضر بالالم او بالشوم اللي ماسكينه
واحد ماشي معايا يضربني و يقولي شوفتوا ايه وحش من الاخوان يا ولاد دين الكلب باللظ والله
اللي زاد و غطا ان احدهم بقى ماشي يقولي مين اللي بعتك ها و يضربني بالشومة على راسي و حسمي
سحب مني المحفظة و عملي حركات بأصابعة من الخلف بعد ما اخد المحفظة
زميله الي كان ماسكني اخد منه البطاقة و قفل المحفظة و حطها في جيبي تاني
و كرر نفس الحركة النجسة كمان مرة في محاولة منه لكسر عيني
قلتلهم انا عضو مؤسس في حزب مصر القوية
شاب منهم بكل ما اتاه اللم من قوة و بعصايا حديد اداني على راسي و قالي خد دي بس عشان مصر القوية
اتهنت بشتيمة قذرة و وساخة و قلة ادب في ظهري و انا متكتف
و اي حد اعدي عليه يضرب باللي في ايده لحد ما وصلت عرية الامن المركزي
شباب الاخوان هما اللي فتحوا الباب و هو اللي قفاوا ورايا
الداخلية امبارح كانت عبارة عن شركة امن و حراسة الاخوان مأجرينها
لما طلعت في العربية لقيت موبايلاتي اتاخدت من جيوبي بعد ما فتشوني
و المحفظة كان فيها 500 جنيه اتاخدوا
و ناس تانية فيوق اكتشفت انهم اتاخد فلوس من محافظهم او محافظهم كلها
كمان لقيت رخصة العربية و رخصتي مش موجودة
اول ما دخلت العربية لقيت زميلي الجندي قاعد جنب شب مصاب و مكسورة اضلاعة
قسنا نبضه لقيناه واطي و الشاب بدأ يدخل في غيبوبة
طلبناله الاسعاف و ان في شاب من شباب الاخوان على باب العربية من اللي كانوا ماسكني
قلتله الراجل بيموت اضلاعه مكسورة من الضرب اللي اتضربه
قالي و انت بقى الدكتور يا روح امك خش اقعد جوة يا كلب
الاسعاف بعدها اخدت الشاب و مشت
فضلنا في العربية لحد الساعة 2 بليل تقريبا
و بعدين نقلونا على قسم شرطة برج العرب
فوجئت ان الظباط و العساكر بيتعاملوا معانا انا و زميلي عبدالرحمن الجندي كويس لاننا دكاترة
كان معانا شاب اغمى عليه من الخنقة و الكتمة في العربية و لما وصلنا القسم طلبت من الظباط انهم يطلعوني من العربية انا و الشاب اللي مغمى عليه عشان الحقه
الظباط استجابوا و فوقته الحمد لله
تم التعامل معانا في القسم منتهى الاحترام اللي ما قدرش الاخوان يتعاملوا بيه معانا
و نقلونا باتوبيسات لحد مديرية الامن تاني
هناك عرفت ان اهالينا حاولوا التواصل مع حسن البرنس بصفتنا طلبة في الكلية عنده
بعد ما حاولنا نتواصل مع رتب عالية جدا في الداخلية كان ردهم كلهم
شوف حد من الاخوان هو اللي يطلعك
وزير الداخلية نفسه مش حيعرف يطلعك
عند مديرية الامن لقيت مندوب من الاخوان واقف هناك معاه ورقة فيها اسمائنا عشان اتوصى علينا اننا نمشي
بعد ما اكتشفوا اننا مالناش يد في اللي بيحصل
لكنه كان واقف برده يبنقي مين يفضل و مين يمشي
الحمد لله طلعت انا و الجندي الساعة 7 الصبح و لقيت عبدالعزيز و محمود خرجوا قبلنا بساعتين
لكن بعد ما اتسرقت و اتهنت واتاخدت ظلم
و مرمطت اهلي ورايا
https://www.facebook.com/abdulrahman.yusri/posts/4558576318530