يسري سلامة يرد على منتقدي غلق المواقع الإباحية: لو زعلان يبقى محتاج تتعالج.. وفرصة تبطل لو بتتفرج عليها!!

علق محمد يسري سلامة العضو المؤسس في حزب الدستور على قرار النائب العام المستشار عبد المجيد محمود بغلق المواقع الإباحية في مصر.
وكتب سلامة على حسابه الخاص بموقع تويتر:

-لو زعلان أو زعلانة من حجب المواقع الإباحية يبقى محتاج تتعالج، يا أخي حتى لو بتتفرج عليها فرصة تبطل!.
-لا وتلاقي اللي يقول لك كده مش هيبقى فيه ثقافة جنسية، ده على أساس ان أهالينا وجدودنا كانوا مقضيينها بوس وأحضان!.
-وتلاقي اللي يقول لك أصل أنا مع الحرية، خلاص يبقى نسمح بالهيرويين والكوكايين وخلافه عادي ما هي حرية برضه، وممكن تقروا شوية عن أضرار الـporn.
-واللي بيقول يمكن التغلب على الحجب، ماشي يا سيدي بس بدل ما عندك 10 مليون مثلا مضروبين بالكلام ده هيبقوا مليون، مصلحة برضو.
-أنا لا أتهم أحدا في أخلاقه ولا أقول إن من يشاهد هذه القذارات شياطين لأنها شهوة كبيرة أنا فاهم طبعا، لكن إذا كان الحجب فيه مصلحة لماذا نعارضه