«سياستنا متوازنة جدا».. السيسي يؤكد: ما يحدث في الشرق الأوسط خطير

الموجز  

أكد الرئيس عبدالفتاح السيسي، أن منطقة الشرق الأوسط مهددة باتساع رقعة الصراع الدائر حاليا.

وهلال حفل تخريج دفعة جديدة من طلبة أكاديمية الشرطة اليوم الأحد، قال الرئيس السيسي: "مش هتكلم كتير أوي، لكن زي ما اتقال في كلمة وزير الداخلية، واحنا في مصر حرصنا منذ اليوم الأول تبقى سياستنا متوازنة جدا، لكن الوضع الحالي، واستمراره، سيؤدي لعواقب خطيرة في منطقتنا ويمكن في العالم."

وأضاف السيسي: "محتاجين في مصر نبقى متمسكين بده وبثوابتنا ونكون حريصين على سياسة تتسم بالتوازن والموضوعية واحنا على ده بقالنا سنين."

وتابع: "في ظل الظروف الموجودة على حدودنا الشرقية والجنوبية والغربية، هل نبقى قلقانين.. نبقى قلقانين بدون شك.. التطورات خطيرة."

وأكمل السيسي: "اسمحوا لي أوجه التحية لأسر الطلبة والخريجين وأهنئهم وأشركهم إنهم أعدوا أبناءهم وبناتهم وجهزوهم وقدموهم هنا لبلدهم مصر عشان يشاركوا في حمايتها واستقرارها."

وأضاف الرئيس السيسي: "اسمحوا لي أن أشكر الخريجين والعاملين على الأكاديمية، على الجهد مش بس حفل التخرج النهاردة، الحقيقة بتيجي فرصة أجي الأكاديمية، وكل مرة بنيجي بنطمن ونسعد بالمستوى، ولسه فيه جهد أكبر من كده، عشان زي ما قولتوا شعاركم العلم."