بتاع إمبابة لما تفتحه بيتحول إلى أشلاء .. عمرو أديب عن مخبز بالسيدة زينب: ده لازم يتفقل ده كفر

الموجز
أخبار مصر
2024-04-22 23:05

الموجز

استعرض الإعلامي عمرو أديب، عينات اشتراها من المخابز الموجودة بمختلف المناطق على الهواء، وذلك لمتابعة مدى التزامها بتطبيق التوجيه الوزاري الذي أصدره الدكتور علي المصيلحي وزير التموين والتجارة الداخلية، برقم 15 لسنة 2024، بشأن تنظيم أسعار الخبز في السوق المحلية.

جاء ذلك خلال تقديمه لبرنامج «الحكاية»، المذاع عبر فضائية «MBC مصر»، مساء الاثنين، إذ استعرض الإعلامي الخبز السياحي والفينو الذي اشتراه الإعداد من منطقة السيدة زينب.

واستنكر الإعلامي صغر حجم رغيف الفينو بسعر 1.5 جنيه، قائلًا: «هل ده يرضي ربنا؟! ده راجل عاوز يتحدف في النار زي العيش، المشكلة إنك معاك دقيقك وسولارك وعمالتك، ليه تعمل فيا كده!».

وأشار إلى أن المواطن بإمكانه دفع نصف جنيه زيادة لشراء الرغيف المباع بـ2 جنيه في منطقة المهندسين، ويحصل على خبز أفضل جودة.

وأضاف: «أبو 2 جنيه أحسن، الراجل مراعي ربنا ، لكن الكيس ده اللي جاي من السيدة زينب يا دوب يكفي أي طفل في مصر.. ده لازم يتفقل ده كفر».

وفي المقابل، أشاد الإعلامي برغيف الخبز البلدي المباع بـ1.5 جنيه في نفس المنطقة، معقبًا: «حلو ونضيف وهيقعد للصبح، الكيس ده هاخده معايا وأنا مروح».

وأضاف: «شوف الأخ المفتري اللي كان مدينا بـ1.5 في السيدة زينب، لكن ده رغيف محترم يقعد وحجم جيد ويتفتح كويس تمام، وبتاع إمبابة لما تفتحه بيتحول إلى أشلاء».

وتوجه بتحية إلى صاحب المخبز على إنتاج رغيف فينو جيد وبسعر في متناول المواطنين، معقبًا: «الناس تدعي لك وهي بتاكل، والصبح الولد واخد ساندويتش جيد».

تعليقات القراء