«مش بشتكي».. السيسي يعلق على الأزمة الاقتصادية في مصر.. ويؤكد: الدولة حريصة على تنفيذ التعهدات المالية

الموجز  

أكد الرئيس عبدالفتاح السيسي، انخفاض إيرادات قناة السويس بما يقارب 40 إلى 50%، بعد أن كانت تدر دخلا سنويا يقدر بـ 10 مليارات دولار.

جاء ذلك خلال الجلسة الافتتاحية لمعرض مصر الدولي السابع للطاقة "إيجبس 2024"، اليوم الإثنين، والمنعقد بمركز المنارة للمؤتمرات الدولية بالقاهرة الجديدة.

وقال الرئيس السيسي: "لما اتكلم على الظروف الموجودة في مصر هنا وتأثيراتها أقدر أفهم إن الدول الأوروبية لما تضع تعهدات تقدر تنفذها.. لكن في دول في أفريقيا ومصر منها، لما تحط تعهدات بتبقى صعبة، لأن أقل شيء مطلوب هو التمويل، لما تقدر تتكلم في تكنولوجيا، هنمول ده منين؟."

وأضاف السيسي: "طارق الملا وزير البترول، اتكلم عن إننا قدرنا في 7 سنين، نرفع الطهي النظيف، حوالي 15 مليون وحدة، أو 60 % من الوحدات السكنية في مصر، عارفين ده كلفنا أد إيه وقت وجهد وأموال."

وتابع: "في مصر كنا نفقد 9 و10 مليار دولار سنويا نتيجة سوء البنية الأساسية، قدرنا نتغلب على هذه المشكلة وأنفقنا أموال ضخمة جدا.. هل النهاردة مؤسسات التمويل وهي شايفانا بنعمل ده، كان عندها استعداد تدينا تمويل، ده سؤال أنا بطرحه!."

وأكمل الرئيس: "إذا لم يتوفر التمويل اللازم للدول اللي اقتصاديات متوضاعة وصعبة ودي كلمة مهذبة.. قلنا في مؤتمر باريس فيه 15 مليار دولار هيتم ضخهم، ولم يضخ أموال بالقيمة دي وفق التعهدات، رغم إنها تعهدات من دول كبيرة جدا، وهي المسئولة عن كثير من أسباب التغير المناخي."

وواصل السيسي: "هيكون فيه تحدي للدول اللي زي مصر، مصر بقالها.. كورونا خدت سنتين، ثم أزمة روسيا وأوكرانيا، ثم ما ترونه في حدودنا المختلفة، وشايفين الممر الملاحي، اللي كان بيجيب لمصر 10 مليار دولار، قل بنسبة 40 أو 50 %، كل ده بيقل وعلينا التزامات، أنا مش بشتكي، إذا كان فيه تعهدات مصر التزمت بها، فيه أموال ضخمة مصر التزمت بها، فيه نصف مليون سيارة تعمل بالغاز الطبيعي، ولو فيه فرصة أكبر هنعمل أكثر."

واختتم الرئيس السيسي حديثه قائلا: "في أفريقيا على سبيل المثال، فيه قدرات للطاقة المتجددة تعطي آلاف الميجاوات، زي الطاقة المائية، السدود يعني، لكن الأرقام المطلوب كبيرة جدا، والدول الأفريقية معندهاش القدرة، مخاطر الائتمان دي، الدول الغنية مبتاخدش مخاطر ائتمان، والدول الفقيرة عليها أعباء كبيرة جدا"