السيسي لرؤساء الجامعات: كتير من التخصصات اللي بندرسها فرص العمل لها منعدمة

الموجز  

رد الرئيس عبد الفتاح السيسي، على استعراض بعض رؤساء الجامعات لنسب الإنجازات التي تحققت في ملف التعليم العالي، حيث قال: "من فضلكم أنا مش جاي أسمع كلام جميل".

وقال السيسي، خلال فعاليات الاحتفال بيوم تفوق جامعات مصر اليوم الثلاثاء،: "الهدف بتاعي نعمل توصيف حقيقي، عشان نوصل لحلول تقدر تصلح وتعمل أمن واستقرار وثقة."

وأضاف الرئيس: "النهاردة الشاب والشابة اللي هتدخل آداب فرصة العمل بتاعته قد إيه؟، طب الكلام ده معروف من 15 سنة، عملنا إيه؟.

وتابع: "كتير من التخصصات اللي بندرسها فرص العمل لها منعدمة ولا محدودة، في الوقت نفسه سوق العمل مش في مصر بس وبرة مصر كمان مستني الناس اللي درست رقمنة، بنخرج ناس قد إيه لفرص عمل حقيقية."

وأكمل الرئيس: "أنا هنا مش بتكلم على جودة التعليم، بتكلم في نوعية المسار، كلامي مش معناه تقليل من الآداب، ممكن نكون محتاجين نسبة، مش الكتلة دي كلها."

واختتم السيسي: "اللي تم محاولة منا لرفع البنية التحتية للتعليم العالي عشان نعوض الفجوة، محتاجين كلنا نفهم إن أنا كإنسان عندي موضوع الفلوس والتكلفة هاجس."