بقول لأنصار السيسي انتم مش محتاجين تتعبوا خالص.. عمرو أديب: المعارضة بتشكك في مرشحينها
الموجز
انتقد الإعلامي عمرو أديب المعارضة المصرية في تعاملها مع مرشحي الرئاسة المحتملين المحسوبين على أحزابها، قائلا: المعارضة مقررة أنها لن تقف مع مرشح بعينه وبالتالي سيحدث تفتيت للأصوات بين فريد زهران وجميلة إسماعيل وأحمد الطنطاوي.
وأضاف أديب خلال تقديمه برنامج الحكاية على mbc مصر: المعارضة قد تكون اتفقت على توسيع مجالها بغرض أن يكون فيه معارضة كبيرة لطرح مطالب ما.. لكن قضية كسب انتخابات الرئاسة ممكن يكون هدفا في الانتخابات بعد المقبلة.
وأكمل أديب: بقول لأنصار الرئيس السيسي انتم مش محتاجين تتعبوا خالص.. المعارضة نفسها بتشكك في المرشحين اللي جايين من بينهم سواء زهران أوجميلة أوالطنطاوي.. وفيه اتهامات بالخيانة بينهم.
أيه هي لازمة الإخوان في مصر؟
وتحدث الإعلامي عمرو أديب عما تردد عن عودة الإخوان للدولة المصرية ودمجهم في أحزاب سياسية، قائلا: أي مرشح رئاسي يقول اللي هو عايزه.. إلا حاجة واحدة هي ضم الإخوان.. بقا يتسرسب الكلام عنهم لدمجهم في أحزاب مدنية، متابعا: طرح الإخوان ومن معهم غير مقبول.
كما أضاف عمرو أديب خلال تقديمه برنامج الحكاية على mbc مصر: أيه هي لازمة الإخوان في مصر؟.. هو ربنا خلق الدنيا ومعاها الإخوان يعني؟!، مردفا: أنا راجل داخل على الستين ومش عايز حاجة من الدنيا لكن إلا رجوع الإخوان.. الناس دي عايزة ترجع وكانوا بيقولوا هنحكم لـ 800 سنة.