السيسي ردا على عدم قدرة الدولة في السيطرة على الأسواق: لو لقيت محل غالي ماتشتريش منه

رد الرئيس عبد الفتاح السيسي على ما يُثار بشأن عدم قدرة الدولة في السيطرة على الأسواق.

وقال الرئيس، خلال افتتاح المرحلة الثانية من مدينة الصناعات الغذائية "سايلو فوودز" بمدينة السادات، الخميس: "بيقولوا الدكتور علي "وزير التموين" مش قادر يسيطر على الأسواق"، معقبا: "ده أمر لو تصورتوا إن إحنا ممكن كدولة سواء وزارة التموين أو الداخلية تقدر تسيطر عليه، ده أمر صعب، لكن إحنا كمواطنين لو لقيت المحل ده غالي ماتشتريش منه".

وتابع الرئيس: "عايز أقولكم النهاردة بنتكلم إن عند وزير التموين 20 أو 30 ألف منفذ غير منافذ القوات المسلحة ووزارة الداخلية وكله يمكن يوصل 40 ألف منفذ علشان نحاول نخفف من حجم الأزمة الكبيرة اللي بنتكلم فيها على مستوى العالم".​

وأكد الرئيس السيسي، أن مصر تستورد 2.5 مليون طن زيت طعام، وهذا الرقم يمثل نسبة 90 % من حجم احتياجات الدولة، مضيفاً: "بنستورد 2.5 مليون طن زيت وده أكتر من 90 % من احتياجاتنا وشغالين في خطة لزراعة 52 ألف فدان فول صويا، والعام القادم 500 ألف فدان فول صويا لزيادة حجم إنتاج الزيت من فول الصويا.. وعلشان الفلاح المصري يستفيد بدل ما بنشتريه من بره".

وأضاف: "متنسوش إن البلد خلال 40 سنة زادت بنسبة كبيرة جدًا.. وكمان الدولة مقدرتش تعمل خطط وتنفذها تجابه بها هذا النمو الكبير".