عمرو أديب: المواطنين ملهيون الآن في موضوع واحد وهو «أكل العيش»

الموجز
أخبار مصر
2022-11-26 23:46

الموجز

قال الإعلامي عمرو أديب، خلال تقديمه لبرنامج «الحكاية»، المذاع عبر فضائية «MBC مصر»، مساء السبت، إن هناك جملة متكررة على مواقع التواصل الاجتماعي منذ فبراير الماضي، متعلقة بفكرة «الإلهاء»، مشيرًا إلى أنه يرى الموضوع «تافهًا جدًا»، بحسب وصفه.

وأضاف أن فكرة الإلهاء انتهت منذ السبعينيات، معقبًا: «هل في حد اتلهى ومش واخد باله من حرب روسيا وأوكرانيا؟ في حد مش واخد باله من غلاء الأسعار؟ وسعر البيضة والفرخة؟».

وتابع: «حد راح السوبر ماركت وعرضوا الأسعار عليه، قال له لو سمحت أنا ملهي، متابع الست اللي كلت دراع جوزها، محدش خد باله من الدولار؟ ده أنتم قاعدين للدولار قرش بقرش!».

وأشار إلى أن المواطنين ملهيون الآن في موضوع واحد وهو «أكل العيش»، متابعًا: «يا جماعة اقعدوا مع الناس، أنا بقعد مع البشر كلها من تحت لفوق؛ من المديونير للملياردير، لكن في هنتريش بأجنحة محلق بيحاول يقنعنا إن في حد ملهي».

 وأضاف : «كام واحد في مستشفى الأمراض العقلية (مواقع التواصل) عشان يتلهوا، في ناس عاوزة تعيشك إنك في دولة بوليسية، خلصت اللهوة الأولانية خد اللهوة التانية، يا جماعة فوقوا من الوهم، في واقع الدولة والحكومة تعيشه، وعندنا مشكلة وعي وتعاطي مع الحياة الحقيقية».

 

تعليقات القراء