السيسي: اللي اتعمل في مصر مش هوى شخصي أو حكومي.. أنا في تحدى لتطوير حياة بلدي وأهلي وناسي

نفى الرئيس عبد الفتاح السيسي، اليوم السبت، أن تكون المشروعات الضخمة التي تمت داخل الدولة المصرية في كافة القطاعات، هوى شخصي أو حكومي، لافتًا إلى أنه توفيق كبير من ربنا.

وقال السيسي خلال افتتاح مشروع مستقبل مصر للإنتاج الزراعي: "ما حدث في مصر من مشاريع اتعمل بدراسات من لجنة من متخصصين وأساتذة جامعة، حتى يحقق أهدافه".

وأضاف الرئيس: "مكنش ينفع نبني على خطوة دون أساس، إحنا بنتكلم عن 400 ألف فدان السنة دي، لازم نقول إحنا الترعة مش عارف إيه وتتعمل إزاي، وإحنا بنتحرك في كلامنا ودلوقتي علشان بطبيعتى، شايف ومتابع واسمع الكلام كله، وده مهم، وأنا بقول الكلام ده ليه، ده مش رد على حد".

وأشاد السيسي، بكفاءة القطاع الخاص، قائلا: "ثبت أن القطاع الخاص قادر على إدارة عمله بكفاءة عالية"، مضيفاً: "من 50 سنة كانت الحكومة بتوظف لكن خلاص، ثم إن التجربة والمسار عمل إيه؟ يا ترى كان لصالح الاقتصاد والتشغيل؟، ولا كان عبء على الدولة وتقدمها".

وأضاف الرئيس السيسي، "أنا عرفت وبجرى عليها، أنا قايل مين الشركات المصرية اللي عندها استعداد تعمل الصوب؟، علشان أعمل 15 ألف فدان لأن إنتاجهم مش زي إنتاج الفدان العادي، يبقى أنا وفرت نص المياه، وشغلت ناس".

وتابع الرئيس: "توفير فرص عمل، 900 ألف بينزلوا سوق العمل سنويا، طيب محدش قال الناس دي هتعيش إزاي؟ الشغل اللي انتوا شايفينه ده اللي بيعمله ويديره كنت اتمنى المستثمرين يقوموا بالشغل ده بس مقدرش أقولهم اعملوا البنية الأساسية للمشروع ده، لكن أنا هأخد ألف فدان وأزرعه طبقا للدورة الزراعية ليك وللبلد علشان تحقق أرباحك".

ورحب الرئيس  السيسي، بالإعلاميين المشاركين في حفل افتتاح مشروع "مستقبل مصر" للإنتاج الزراعي، قائلا: "أهلا بأهل الإعلام.. والقصة هنا قصة المعرفة وإدارة جيدة.. حد يقول ليه بتدخل البرامج (برامج التوك شو).. ويقول هل عنده وقت؟.. أنا عندي وقت عاوز اعرف هنشكل فهمنا ووعينا للناس إزاي.. عاوز الإعلاميين وضيوفهم لما يتناولوا قضية بشكل شامل وعميق.. بيحث اللى يسمع يستفيد.. ولا محتاجين نعزز الكلام أكثر ونلقي الضوء عليه أكثر".

وأضاف الرئيس السيسى،: "الكلام اللى بيقولوا هنا وفى افتتاح المشروعات المختلفة أنا حافظه.. مش عاوز أقول كده.. لما بقف هنا واقوله.. وبقول 100 ألف فدان صوب.. 100 مليار جنيه للصوب.. في تحدي لبلدي وأهلي وناسي.. أنا عرفت وبجري عليها.

وتابع الرئيس السيسى: "ليه سيدنا يوسف ساب القمح في سنابله.. لو كان عمله حصاد وبقي موجود كمحصود.. مش يستحمل 3-4 سنين ويتلف.. والذرة مش يستحمل التخزين لانها تحتاج إلى التجفيف.. بنتكلم عن دول متقدمة بتوفر لنا ذرة.. لكن بعد تجفيفه وعلشان يتحمل النقل والتصدير والتخزين بعد كده.. وقبل كده ده مكنشي بيتعمل.. على مسطحات ضخمة.. المجففات اللى بتكلم عليها.. تخزين الذرة يحتاج إلى التجفيف.. بنقول كده علشان نعزز ونضيف قيمة للذرة".